1 Samuel 10:1 - Q'eqchi Bible

¹ Toja' naq laj Samuel kixchap li xukub' xna'aj li aseeyt ut kixhoy sa' xjolom laj Saúl. Kirutz' ru ut kixye re: “A' li Qaawa' xyuluk aawe cho'q xjolomil Israel li xtenamit. Laa'at tatjolominq ut tatkoloq re sa' ruq'eb' li xik' neke'ilok re. Ut a'inaq reetalil naq li Qaawa' xatxyul cho'q xjolomil li xtenamit:

Li Santil hu

¹ Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

1 Samuel 10:1 ပူးပေါင်းရင်းမြစ်များ

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

Salmos 78:71

re naq tixkanab' li k'anjel a'an ut a' chik li xtenamit tixb'eresiheb', a'eb' laj Israel, li reechanihom.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Hechos 13:21

Toja' naq ke'xtz'aama x'awab'ejeb', ut li Yos kixk'e laj Saúl reheb', a' li ralal laj Sis, jun li winq xkomoneb' xteepal laj Benjamín; ut a'an ki'awab'ejink chiru ka'k'aal chihab'.

1 Samuel 26:11

Li Qaawa' taxaq chikoloq we chi xtaqsinkil wuq' sa' xb'een li awab'ej yulb'il xb'aan. Anaqwan xok li jutz' che' li wank chi xjolom jo'wi' li xxarul li xha', ut yo'o”.

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

2 Reyes 9:1

Laj Eliseo kixb'oq jun reheb' li propeet ut kixye re: “Kawresi aawib', k'am li jun meet chi aseeyt a'in ut ayu Ramot, sa' xteepal Galahad.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

1 Ts 5:26

Chek'ehaq xsahilaleb' xch'ool chixjunileb' li qas qiitz'in rik'in li santil utz'uk u.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

1 Reyes 19:18

Ab'anan wuqub' mil chi aj Israel tinkanab'eb' chi yo'yo, jo'k'ihaleb' li ink'a' xe'wiq'laak chiru laj Bahal chi moko xe'xpatz' xk'ab'a' rik'in rutz'b'al ru”.

2 Samuel 19:39

Toja' naq chixjunileb' li tenamit ke'nume'k junpak'al li nima' Jordán. Ut naq kiwulak li awab'ej junpak'al, kixtz'ub' ru laj Barsilay ut kirosob'tesi, ut a'in kisutq'iik wi' chik sa' rochoch.

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

1 Samuel 24:6

“Li Qaawa' taxaq chikoloq we chi xb'aanunkil rahilal re li awab'ej, a' li sik'b'il ru xb'aan li Qaawa'. Maajoq'e tintaqsi wuq' sa' xb'een, xb'aan naq a'an yulb'il xb'aan li Qaawa'”, chan reheb' laj puub'.

1 Samuel 13:14

A'ut anaqwan laa'awab'ejihom ink'a' taawanq chi junelik. Li Qaawa' ak xsik' ru jun li winq jo' naraj li xch'ool, re naq a'anaq chik aj k'amol xb'e li xtenamit, xb'aan naq ink'a' xapaab' laataqlankil xb'aan li Qaawa'”.

1 Samuel 8:19

Ab'an li tenamit ink'a' ke'raj rab'inkil laj Samuel ut ke'xye: “Ink'a'. Tento twanq junaq qa'awab'ej,

1 Samuel 8:9

Jo'kan b'i', paab' li yookeb' chi xtz'aamankil chawu, ab'anan xb'enwa ch'olob' ut k'ut chiruheb' chanru li wank rub'el xwankil junaq awab'ej”.

1 Samuel 2:10

Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

Éxodo 30:23

“Taasik' sununkil b'an: waqlaju liib'r chi tz'aqal miir, waqib' liib'r chi kaneel, waqib' liib'r chi sununkil utz'aal,

1 Samuel 9:27

Naq ke'wulak chire li tenamit, laj Samuel kixye re laj Saúl: “Ye re laamoos chi xikaq chi uub'ej; ab'an laa'at kanaaqat wan toj tinch'olob' chawu li k'aru yeeb'il xb'aan li Yos”. Ut li moosej koho chi uub'ej.

1 Samuel 12:3

ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

1 Samuel 15:1

Sa' jun kutan kixye laj Samuel re laj Saúl: “Li Qaawa' xinxtaqla chaq re aaxaqab'ankil cho'q awab'ej re Israel li xtenamit. Jo'kan b'i', ab'i li raatin li Qaawa'.

1 Samuel 16:1

Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

1 Samuel 26:9

Ab'an laj David kixye re laj Abisay: “Maakamsi. Maajun li tixtaqsi li ruq' sa' xb'een li awab'ej sik'b'il ru xb'aan li Qaawa' taakanaaq chi ink'a' ta tixtoj rix li xmaak”.

2 Samuel 1:14

“Chanru naq ink'a' xatxiwak chi xtaqsinkil laawuq' ut xkamsinkil li sik'b'il ru xb'aan li Qaawa'?”, chan wi' chik laj Saúl.

1 Reyes 1:34

ut aran li walal taayule'q cho'q awab'ej re Israel xb'aan laj Sadok laj tij ut laj Natán li propeet. Toja' naq teeyaab'asi li xukub' ut teeye: «Nimanb'ilaq li awab'ej Salomón!», cha'qex.

Ezequiel 16:13

Q'axal katlemtz'uno'k rik'ineb' li oor ut li plaat, chi tiqtookat rik'in liin ut chaab'il t'ikr uutz'u'ujinb'il ru. Katzeka li chaab'il triiw, li xya'al kab' ut li aseeyt. K'ajo' xchaq'al aawu ut katkanaak cho'q xnimal ru ixq.

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

2 Samuel 20:19

Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

2 Reyes 9:12

Ke'xsume: “Maak'a' naqanaw! Seeraq'i qe chixjunil li xye aawe!”, chankeb'. Toja' naq laj Jehú kixye reheb': “Xulxye a'in chi jo'ka'in: «Jo'ka'in xye li Qaawa': Tatinxaqab' cho'q awab'ej re Israel»”.