1 Samuel 1:26 - Q'eqchi Bible

²⁶ Ut lix Ana kixye: “Chinaawab'i, wa'. Relik chi yaal naq laa'in li ixq li koltijoq chak'atq arin chiru li Qaawa'.

Li Santil hu

²⁶ Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

1 Samuel 1:26 ပူးပေါင်းရင်းမြစ်များ

2 Reyes 4:30

Ab'anan li xna' li ch'ina'al kixye re laj Eliseo: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab'”. Toja' naq laj Eliseo kixaqliik ut koho chirix li ixq.

2 Reyes 2:6

Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla sa' li nima' Jordán”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes!”, chan. Ut koheb' chi xkab'ichaleb'.

2 Reyes 2:4

Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla Jerikó”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes”, chan. Ut chi xkab'ichaleb' koheb' Jerikó.

2 Reyes 2:2

Ut laj Elías kixye re laj Eliseo: “Kanaaqat arin xb'aan naq li Qaawa' xinxtaqla aran Betel”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes”, chan. Ut chi xkab'ichaleb' koheb' Betel.

2 Samuel 11:11

Kichaq'ok laj Urías ut kixye: “Li Loq'laj Kaax, eb' laj puub' aj Israel ut aj Judá wankeb' sa' kok' muheb'aal. Laj Johab laj eechal we ut eb' laj k'anjel chiru neke'hilank sa' ch'och'. Ma tinxik tab'i' laa'in sa' wochoch re wa'ak uk'ak ut re wank rik'in li wixaqil? Ninye li waatin naq maajoq'e tinb'aanu a'an!”, chan.

1 Samuel 20:3

Ab'an laj David kixye wi' chik: “Laayuwa' naxnaw chi us naq q'axal nikinaara. Jo'kan naq xye sa' xch'ool: «Ink'a' nawaj naq laj Jonatán tixnaw a'an, re naq ink'a' taaraho'q xch'ool», chan. Ab'anan, sa' xk'ab'a' li yo'yookil Yos ut sa' xk'ab'a' laayu'am ninye aawe naq kach'in chik maa ninkamk”.

1 Samuel 17:55

Naq laj Saúl kiril chi xik laj David re yalok rik'in laj Filistea, kixpatz' re laj Abner, xjolomileb' laj puub': “Abner, ani aj alal li al a'an?”, chan. Kichaq'ok laj Abner ut kixye:

2 Samuel 14:19

Toja' naq li awab'ej kixpatz': “Ma maawa' laj Johab xk'uub'ank re chixjunil a'in?”. Kichaq'ok li ixq: “At awab'ej, sa' aak'ab'a' laa'at ninye li waatin naq tz'aqal yaal li k'aru xaye. Laj Johab aj k'anjel chawu xtaqlank chaq we, ut a'an ajwi' xyehok we li k'aru xinnumsi chawu.

Génesis 42:15

Anaqwan taatz'ilmanq aatin cherix: ninye eere sa' xk'ab'a' laj Parahón naq ink'a' tex'elq arin toj reetal taachalq arin leeriitz'in.

1 Samuel 25:26

Ab'anan anaqwan, wa'chin, sa' xk'ab'a' li yo'yookil Yos ut laayu'am, sa' xk'ab'a' li Qaawa' li xramok chawu xkamsinkileb' li poyanam a'in jo'wi' xraqb'al aatin aajunes aawib', jo'qeb' laj Nabal chixjunileb' li xik' neke'ilok aawe jo'wi' li te'raj xb'aanunkil rahilal aawe.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.