1 Samuel 1:19 - Q'eqchi Bible

¹⁹ Jo' wulajaq chik ke'wakliik toj eq'la, ke'xloq'oni ru li Qaawa' ut chirix chik a'an ke'sutq'iik sa' rochocheb' aran Ramá. Laj Elkaná kiwank rik'in lix Ana li rixaqil, ut li Qaawa' kirusila li ixq.

Li Santil hu

¹⁹ Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

1 Samuel 1:19 ပူးပေါင်းရင်းမြစ်များ

Génesis 21:1

Li Qaawa' kirula'ani lix Sara jo' yeeb'il chaq re, ut li Qaawa' kixb'aanu re lix Sara li b'arwan kixyeechi'i.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Génesis 30:22

Toja' naq li Yos kixtoq'ob'a ru lix Rakel, kirab'i li xtij ut kixk'e chi alank.

Génesis 4:1

Li winq kiwank rik'in lix Eva li rixaqil; ut a'in kixsiya laj Kaín: “B'anyox re li Qaawa', xinmaatani jun k'uula'al sa' xk'ab'a' li Qaawa'”, chan li winq.

San Lucas 23:42

Ut kixye: —At Jesus, chinjultiko'q aawe naq tolat-elq rik'in xnimal aawankilal.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.

Salmos 119:147

Toj hik'ho ninwakliik ut nintz'aama intenq'ankil; xaqxo li woyb'enihom rik'in laawaatin.

Salmos 55:17

A'ut laa'in a' li Yos ninyaab'a xk'ab'a', ut li Qaawa' taakoloq we.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

1 Samuel 9:26

ut a'in kiyoklaak. Sa' li kutan jun chik, naq kihik'e'k, laj Samuel kixb'oq chaq laj Saúl sa' li xtaqeq'il li kab'l ut kixye re: “Waklin, ok we chachaq'rab'inkil”. Kiwakliik laj Saúl ut xkab'ichaleb' ke'elk chaq chirix kab'l.

Génesis 8:1

Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.

Salmos 136:23

Naq wanko chaq sa' rahilal, koojultiko'k re, li xnimal xrahom wank chi junelik;

Salmos 5:3

At inYos, at Eechal we, chasume taxaq li chajcho we chi xpatz'b'al, xb'aan naq aawik'in nin'elajink, at Qaawa'.

1 Samuel 2:11

Chirix chik a'an laj Elkaná kisutq'iik sa' rochoch aran Ramá, ab'an li ch'ina'al kikanaak chi k'anjelak chiru li Qaawa', rub'el xtaql laj Elí laj tij.

1 Samuel 1:1

Kiwank jun li winq aj Suf, yo'lajenaq Ramatáhin sa' xtzuulul Efraín, aj Elkaná xk'ab'a', ralal laj Yeroján, ralal laj Toju, ralal laj Suf, aj Efraín.

1 Samuel 7:17

Chirix chik a'an nasutq'iik chaq Ramá, b'arwi' wank li rochoch ut naxb'eresiheb' laj Israel. Laj Samuel kixxaqab' ajwi' jun li artal cho'q re li Qaawa' aran Ramá.

Josué 18:25

Gabahón, Ramá, Beherot,

1 Samuel 8:4

Toja' naq ke'xch'utub' rib' chixjunileb' li xcheekelal laj Israel, koheb' Ramá wan wi' laj Samuel

1 Samuel 15:34

Chirix chik a'an laj Samuel koho Ramá ut laj Saúl kisutq'iik sa' li rochoch aran Kibehá, sa' li xna'aj.

1 Samuel 16:13

Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 19:18

Jo'kan naq ki'elelik laj David ut kixkol rib'. Koho wan wi' laj Samuel aran Ramá ut kixseeraq'i re chixjunil li ki'uxk re xb'aan laj Saúl. Chirix chik a'an laj David ut laj Samuel koheb' chi wank aran Nayot.

1 Samuel 25:1

Naq laj Samuel kikamk, chixjunileb' laj Israel ke'xch'utub' rib' re xyaab'ankil ut ke'xmuq sa' li xch'och', aran Ramá.

2 Reyes 4:17

Ab'an kik'ulmank tz'aqal jo' kixye laj Eliseo. Sa' li chihab' jun chik li ixq kikanaak sa' yu'am ut kiwank jun xteelom k'uula'al.