1 Samuel 1:17 - Q'eqchi Bible

¹⁷ Kichaq'ok laj Elí ut kixye: “Ayu sa' tuqtuukil usilal ut li xYos laj Israel chik'ehoq ta aawe li k'aru xapatz'”.

Li Santil hu

¹⁷ Ut laj Elí quixye re lix Ana: —Ayu chi cꞌojcꞌo a̱chꞌo̱l. Ut aꞌ taxak li Dios li nequeꞌxlokꞌoni laj Israel chi qꞌuehoc a̱cue li cꞌaꞌru xatzꞌa̱ma chiru, chan.

1 Samuel 1:17 ပူးပေါင်းရင်းမြစ်များ

San Marcos 5:34

Ut li Jesus kixye re: —At inrab'in, laapaab'aal xkolok aawe. Ayu sa' tuqtuukil usilal ut kanaaq chi k'irajenaq laarahilal.

Jueces 18:6

Kichaq'ok laj tij ut kixye reheb': “Mexk'oxlak, ayuqex sa' tuqtuukilal. Li Qaawa' texril chiru leeb'eenik”.

2 Reyes 5:19

Kichaq'ok laj Eliseo: “Ayu sa' tuqtuukilal”, chan. Laj Nahamán ki'elk aran ut toj maji' ajwi' nawulak chi najt,

1 Samuel 25:35

Chirix chik a'an laj David kixk'ul sa' ruq' lix Abigahil li k'aru kixk'am chaq, ut kixye re: “Anaqwan ayu sa' laawochoch chi maak'a'aq aak'a'uxl. K'e reetal, xwab'i li k'aru xaye ut tinb'aanu li xatz'aama chiwu”.

San Lucas 7:50

Ab'anan li Jesus kixye re li ixq: —Laapaab'aal xkolok aawe; ayu sa' tuqtuukil usilal.

San Lucas 8:48

—At inrab'in, laapaab'aal xkolok aawe. Ayu sa' tuqtuukil usilal, chu'uxk re xb'aan li Jesus:

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.

1 Samuel 29:7

Jo'kan naq nintz'aama chawu naq tatsutq'iiq wi' chik sa' laana'aj. Ayu sa' tuqtuukilal re naq maak'a' taab'aanu li taapo'q wi' xch'ool eb' li xjolomileb' laj Filistea”.

Génesis 25:21

Laj Isahak kitijok chiru li Qaawa' chirix li rixaqil xb'aan naq xma'al ixq; li Qaawa' kirab'i li xtij, ut lix Rebeka li rixaqil kikanaak sa' yu'am.

1 Samuel 1:16

Maak'oxla naq laa'in jun li ixq ink'a' us inna'leb'. Xb'aan xrahil ut xyot'ik linch'ool yookin chi tijok anaqwan”, chan.

1 Samuel 1:23

Kichaq'ok laj Elkaná li xb'eelom: “B'aanu li k'aru us nakak'oxla ut kanaaqat toj taamaq' xtu' li k'uula'al. A' taxaq li Qaawa' chixb'aanu li k'aru xyeechi'i”, chan. Jo'kan naq li ixq kikanaak sa' rochoch ut kixtu'resi li xk'uula'al toj reetal kixmaq' chi tu'.

1 Samuel 20:42

Toja' naq laj Jonatán kixye: “Ayu sa' tuqtuukil usilal, xb'aan naq qakab'ichal xqaye sa' xk'ab'a' li Qaawa' naq A'an chiwanq taxaq chi junelik sa' qayanq jo'wi' sa' xyanqeb' li qalal qak'ajol”. Moqon kixaqliik laj David ut koho, ut laj Jonatán kisutq'iik wi' chik sa' li tenamit.

2 Samuel 15:9

Kichaq'ok li awab'ej ut kixye: “Ayu sa' tuqtuukil usilal”. Ut laj Absalón kixchap xb'e ut koho.