1 Reyes 7:8 - Q'eqchi Bible

⁸ Li xmuheb'aal laj Salomón li wank sa' jun chik li neb'aal, juntaq'eet rik'in li xkomon li kab'l, juntaq'eet li xyiib'ankil. Kixyiib' ajwi' jun chik li kab'l cho'q re li xrab'in laj Parahón, li kixk'am laj Salomón cho'q rixaqil: juntaq'eet ajwi' li xyiib'ankil.

Li Santil hu

⁸ Li rochoch laj Salomón, aꞌan cuan jun lix neba̱l chirix. Joꞌcan ajcuiꞌ li cab li quixyi̱b re li rixakil cuan xmu juntakꞌe̱t riqꞌuin li rochoch aꞌan. Li rixakil laj Salomón, aꞌan xrabin laj faraón.

1 Reyes 7:8 ပူးပေါင်းရင်းမြစ်များ

2 Crónicas 8:11

Laj Salomón kirisi li xrab'in laj Parahón sa' xtenamit laj David ut kixtaqla sa' li ochoch li kixyiib' cho'q re a'an, xb'aan naq kixk'oxla naq li rixaqil ink'a' naru wank sa' rochoch laj David, awab'ej re Israel, xb'aan naq jwal loq' li na'ajej wanjenaq wi' li xLoq'laj Kaax li Qaawa'.

1 Reyes 3:1

Laj Salomón kik'amok rik'in laj Parahón, awab'ej re Ejiipt. Kisumlaak rik'in li xrab'in laj Parahón ut kixk'am sa' xtenamit laj David, naq toj yookeb' chi xchoyb'al xyiib'ankil li rochoch, jo'wi' li rochoch li Qaawa' ut li suttz'ak chi xsutam Jerusalén.

1 Reyes 9:24

Naq li xrab'in laj Parahón ki'elk sa' xtenamit laj David re q'axonk sa' li kab'l kixyiib' laj Salomón cho'q re, laj Salomón kixk'e chi yiib'aak Miló.

2 Reyes 20:4

Toj maji' ajwi' na'elk chiru neb'aal, naq ki'aatinaak laj Isaías xb'aan li Qaawa' chi jo'ka'in:

1 Reyes 7:9

Chixjunil li ochoch a'an kiyiib'amank junes rik'in pek tuqub'anb'ileb' ru rik'in ch'iich' li nachalk naxik xninqal, chalen chaq sa' rub'elankil toj taqe'q, chalen chaq chirix toj chiru li nimla neb'aal.

1 Reyes 9:16

Xb'aan naq laj Parahón, awab'ej re Ejiipt, koho chi yalok rik'ineb' laj Késer. Koxchap, kixk'at li tenamit a'an, kixkamsiheb' laj Kanahán li wankeb' aran ut kixq'axtesi li tenamit re li xrab'in, li rixaqil laj Salomón.