1 Reyes 5:4 - Q'eqchi Bible

⁴ Ab'an anaqwan li Qaawa' linYos xk'e tuqtuukilal yalaq b'ar sa' linsutam: maa'ani chik xik' na'ilok qe ut maak'a' chik junaq raaxiik'.

Li Santil hu

⁴ Abanan anakcuan li Ka̱cuaꞌ lin Dios quinixtenkꞌa. Cuanco saꞌ tuktu̱quil usilal chikajunilo joꞌ eb ajcuiꞌ li tenamit li cuanqueb yalak bar. Ma̱ ani xicꞌ nequeꞌiloc ke ut ma̱cꞌaꞌ chꞌaꞌajquilal.

1 Reyes 5:4 ပူးပေါင်းရင်းမြစ်များ

1 Crónicas 22:9

Ab'anan k'e reetal, taayo'laaq jun laawalal ut a'anaq jun li winq re tuqtuukil usilal. Laa'in tink'e tuqtuukilal rik'in chixjunileb' li xik' neke'ilok re sa' chixjunil li na'ajej. Jo'kan naq aj Salomón tixk'ab'a'in. Sa'eb' li kutan a'an laa'in tink'e tuqtuukilal ut usilal reheb' laj Israel.

1 Reyes 4:24

Xb'aan naq laj Salomón kiwank xwankil sa' xb'een chixjunil li ch'och' wan chaq junpak'al li nima' Éwfrates, chalen Tafsaj toj Gasa, ut sa' xb'eeneb' chixjunileb' li awab'ej li wankeb' chaq aran. Kiwank sa' tuqtuukilal rik'ineb' li wankeb' sa' xsutam.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

2 Samuel 7:5

“Ayu ut ye re laj David aj k'anjel chiwu: «A'in naxye li Qaawa': Maawa' laa'at li tatyiib'anq re junaq wochoch b'arwi' tinwanq.

Josué 15:47

Li tenamit Asdod rochb'eeneb' li xk'aleb'aal, ut li tenamit Gasa rochb'eeneb' li xk'aleb'aal, toj sa' li Nima' re Ejiipt ut nawulak wan wi' li Nimla Palaw.

1 Reyes 5:18

Eb' laj tz'ak sik'b'ileb' ru xb'aan laj Salomón, eb' laj Jirán ut eb' laj Jibal ke'xset ut ke'xpech' eb' li che' jo'wi' ke'xtuqub' ruheb' li pek re xkab'lankil li rochoch li Yos.

1 Reyes 11:25

Xik' kirileb' laj Israel chiru chixjunil li xyu'am laj Salomón. A'an ajwi' kixb'aanu laj Hadad, xb'aan naq kixtz'eqtaanaheb' laj Israel ut kiwank cho'q awab'ej re Siria.

2 Reyes 18:8

Kixq'ax ruheb' laj Filistea toj Gasa ut sa' xnub'ajlil, chalen sa'eb' li rochochil k'aak'alenk tenamit toj sa'eb' li suttz'akal tenamit.

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.