1 Reyes 3:3 - Q'eqchi Bible

³ Laj Salomón naxra li Qaawa' ut naxpaab' li chaq'rab' k'eeb'il re xb'aan laj David li xyuwa'. Ab'anan toj namayejak ajwi' sa'eb' li xninqal tzuul ut nak'atok chaq pom aran.

Li Santil hu

³ Laj Salomón quixra li Ka̱cuaꞌ Dios ut quixba̱nu li cꞌaꞌru naxye saꞌ li chakꞌrab li xakabanbil xcuanquil xban laj David lix yucuaꞌ. Abanan naxmayeja li xul ut naxcꞌat li incienso saꞌ eb li artal li yi̱banbil saꞌ li tzu̱l.

1 Reyes 3:3 ပူးပေါင်းရင်းမြစ်များ

1 Corintios 8:3

Ab'anan li narahok re li Yos, a'an nawno ru xb'aan li Yos.

Salmos 31:23

Laa'in xinye sa' lin'ookel k'a'uxl: “Xin'isiik rub'el laawoq rub'el laawuq'!”. Ab'anan naq xinyaab'a laak'ab'a', xawab'i chaq lintz'aamahom.

Deuteronomio 30:16

Wi taapaab' li nakatintaqla wi' anaqwan, wi taara li Qaawa' laaYos ut taataaqe li xb'e, wi taak'anjela ru li xchaq'rab' jo'wi' li xtaqlahom ut eb' li raatin, wanq aayu'am ut textamq; ut li Qaawa' laaYos tatrosob'tesi sa' li ch'och' toxaaweechani.

Deuteronomio 6:5

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

1 Reyes 3:14

Wi tatwanq sa' tiikilal ut taapaab' linchaq'rab' ut eb' li waatin jo' kixb'aanu laj David laayuwa', laa'in tinnajtob'resi roq laayu'am”.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

San Juan 14:15

“Wi nikineera, teepaab' linchaq'rab',

San Mateo 22:37

Kixye li Jesus re: —Taara li Qaawa' laaYos chi anchal laach'ool, chi anchal laawaanm ut chi anchal laak'a'uxl.

2 Reyes 18:22

Ut wi laa'ex nekeye we: «Laa'o kaw qach'ool rik'in li Qaawa' li qaYos», ma ink'a' tab'i' a' ajwi' laj Esekías kijuk'uk re chixjunileb' li tijob'aal ut eb' li artal, naq kixye reheb' laj Judá ut eb' laj Jerusalén: «Jun ajwi' chi artal teewiq'ib' wi' eerib' chi loq'onink»?

2 Reyes 18:4

A'an li kisachok reheb' li tijob'aal sa' xjolomeb' li tzuul, kixjuk'eb' li xjalam u pek che' neke'loq'oniik wi' eb' li jalanil yos. Kixputz'i li k'anti' yiib'anb'il rik'in q'anch'iich' xb'aan laj Moisés, xb'aan naq toj sa' li kutan a'an eb' laj Israel neke'k'atok pom chiru ut Nejustán neke'xk'e cho'q xk'ab'a'.

2 Reyes 15:35

Ab'an ink'a' kixjuk'eb' li na'ajej naloq'oniik wi' li jalanil yos, ut eb' li tenamit toj neke'xik chi mayejak ut chi k'atok pom sa'eb' li tijob'aal sa' xjolomeb' li tzuul. Laj Jotán kixyiib' li Nimla Okeb'aal sa' rochoch li Yos.

2 Reyes 15:4

Ab'an ink'a' kixjuk' eb' li na'ajej naloq'oniik wi' li jalanil yos, ut eb' li tenamit toj neke'xik chi mayejak ut chi k'atok pom sa'eb' li tijob'aal sa' xjolomeb' li tzuul.

2 Reyes 14:4

Ink'a' kirisi eb' li na'ajej naloq'oniik wi' li jalanil yos, ut eb' li tenamit toj neke'xik chi mayejak ut chi k'atok pom sa'eb' li tijob'aal sa' xjolomeb' li tzuul.

2 Reyes 12:3

Ab'anan ink'a' kirisiheb' li na'ajej naloq'onimank wi' eb' jalanil yos, ut eb' li tenamit toj neke'mayejak ajwi' ut neke'k'atok pom sa'eb' li tijob'aal sa' xjolomeb' li tzuul.

1 Reyes 15:14

Ab'anan ink'a' ke'juk'mank eb' li tijob'aal chi xjolomeb' li tzuul, us ta laj Asá q'axal tiik xch'ool chirix li Qaawa', chiru chixjunil li xyu'am.

1 Reyes 15:3

A'an ajwi' kixb'aanu li maak kixb'aanu li xyuwa' junxilaj chiru a'an. Moko wank ta li xch'ool rik'in li Qaawa' li xYos, jo' naq kiwank li xch'ool laj David li xyuwa'.

1 Reyes 11:38

Wi taapaab' chixjunil li tinye aawe, wi tatwanq sa' xyaalal ut taab'aanu li tiikilal chiwu rik'in xpaab'ankil li waatin ut linchaq'rab' jo' kixb'aanu laj David laj k'anjel chiwu, laa'in wanqin aawik'in ut tinxaqab' laawankilal chi junajwa jo' naq kinb'aanu re laj David.

1 Reyes 11:34

Ab'anan ink'a' tinmaq' chixjunil li awab'ejihom sa' ruq', taawanq b'an xwankil jo' najtil yo'yooq, sa' xk'ab'a' xraab'al laj David laj k'anjel chiwu, linsik'om ru, li junelik kixpaab' li waatin ut linchaq'rab'.

1 Reyes 11:6

Laj Salomón kixb'aanu li ink'a' us chiru li Yos, ut ink'a' kixpaab' li Qaawa' chi anchal xch'ool, jo' kixb'aanu laj David li xyuwa'.

1 Reyes 11:4

Sa' chik li xtiixilal, eb' li ixq ke'po'ok xch'ool laj Salomón re xloq'oninkileb' li jalanil yos, ut li xch'ool moko kiwank ta junes cho'q re li Qaawa' li xYos, jo' naq kiwank laj David li xyuwa'.

1 Reyes 9:4

Wi laa'at tatk'anjelaq chiwu jo' kixb'aanu laj David laayuwa', chi anchalil aach'ool ut sa' tiikilal, wi taab'aanu chixjunil li tinye aawe ut taapaab' linchaq'rab' ut li waatin,

Deuteronomio 10:13

chapaab' li xchaq'rab' li Qaawa' ut li xtaqlahom li yookin chi xyeeb'al aawe anaqwan, re naq us wanqat.

Deuteronomio 11:13

“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm,

Salmos 145:20

Li Qaawa' naxk'aak'aleheb' li neke'rahok re, ab'an naxsach ruheb' li ink'a' useb' xna'leb'.

Levítico 17:5

Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

1 Samuel 9:12

Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

1 Reyes 8:25

Jo'kan utan, at Qaawa', xYos laj Israel, chab'aanu ajwi' li kayeechi'i re laj David linyuwa', laj k'anjel chawu, naq kaye re: «Junelik wanq junaq aawalal aak'ajol taak'anjelaq chiwu ut taa'awab'ejinq sa' xb'eeneb' laj Israel, wi eb' laawalal te'b'eeq sa' tiikilal ut te'wanq chiwu jo' xatwank laa'at».

1 Reyes 8:61

Chiwanq taxaq leech'ool rik'in li Qaawa' li qaYos chi junelik, re naq texb'eeq jo' naxye li raatin ut teepaab' li xchaq'rab' jo' yookex anaqwan”, chan laj Salomón.

1 Reyes 14:8

Xinmaq' li awab'ejihom sa' ruq'eb' li ralal xk'ajol laj David ut xinq'axtesi aawe. Ab'anan laa'at moko yookat ta chi awab'ejink jo' naq xwank laj David, laj k'anjel chiwu, li kixpaab' linchaq'rab', kik'anjelak chiwu chi anchal xch'ool ut junelik kiwank sa' tiikilal.

1 Reyes 14:23

xb'aan naq eb' a'an ajwi' ke'xyiib' eb' li tijob'aal ut eb' li pek che', chi xjolomeb' li tzuul ut rub'elatq xninqal che'.

1 Reyes 15:5

Kixb'aanu chi jo'kan, xb'aan naq laj David kiwank sa' tiikilal chiru li Qaawa' ut ink'a' kixq'et junaq xchaq'rab' li Qaawa' chiru chixjunil li xyu'am. Ka'ajwi' kimaakob'k chiru laj Urías laj Hit.

1 Reyes 15:11

Laj Asá kixb'aanu li nawulak chiru li Qaawa', jo' tz'aqal kiwank laj David li xyuwa'.

1 Reyes 22:44

Laj Josafat ut li awab'ej re Israel ke'wank sa' tuqtuukilal.

2 Reyes 12:4

Sa' jun kutan laj Johás kixye reheb' laj tij: “Xokomaq chixjunil li tumin li tento taamayejaaq sa' rochoch li Qaawa' ut li tumin na'alaak sa' xch'ooleb' li poyanam xq'axtesinkil cho'q re rochoch li Yos.

2 Reyes 14:3

Laj Amasías kixb'aanu li nawulak chiru li Qaawa', ab'an ink'a' tz'aqal jo' kixb'aanu laj David li xyuwa'; kiwank b'an jo' kixb'aanu laj Johás li xyuwa'.

2 Crónicas 15:17

Ab'anan ink'a' ke'juk'mank eb' li tijob'aal chi xjolomeb' li tzuul, us ta laj Asá q'axal tiik xch'ool chirix li Qaawa', chiru chixjunil li xyu'am.