1 Reyes 2:2 - Q'eqchi Bible

² “Chi seeb' tinq'ajq tinsutq'iiq, jo' neke'xk'ul chixjunileb'. Kawaq aach'ool ut wanqat jo' chaab'il winq.

Li Santil hu

² —La̱in ca̱mc cue joꞌ nak nequeꞌcam chixjunileb li cristian saꞌ ruchichꞌochꞌ. Cauhak taxak a̱chꞌo̱l ut ta̱yal taxak a̱kꞌe chixba̱nunquil li us.

1 Reyes 2:2 ပူးပေါင်းရင်းမြစ်များ

Josué 23:14

“Laa'in wulak re xq'ehil linkamik, ab'an xb'enwa nawaj naq teek'e sa' xnaq' eeru chi anchal eech'ool, chi anchal eeraanm naq chixjunil li xyeechi'om chaq li Qaawa' leeYos cho'q eere, ak xtz'aqlok ru; maajun ink'a' ta x'uxk.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

2 Timoteo 2:1

At walal, kawaq aach'ool sa' rusilal li Kristo Jesus,

1 Timoteo 4:12

Maa'ani chitz'eqtaananq aawe sa' xk'ab'a' laasaajilal, chayal b'an aaq'e chi xk'amb'al xb'eheb' laj paab'anel rik'in aatinak, rik'in laayu'am, sa' li rahok, sa' laapaab'aal jo' ajwi' rik'in xsaqal ru laach'ool.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Salmos 89:48

Jultikaq aawe, at Qaawa', k'aru linyu'am. Ma maak'a' aj e naq xayoob'tesiheb' li poyanam?

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Li xHu LAJ JOB 16:22

Xb'aan naq ajlanb'il aj chik linkutan, ut chi seeb' tinchap li b'e li maak'a' xsutq'ijik chaq.

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

1 Reyes 3:7

At Qaawa', at inYos, laa'at xatxaqab'ank we chi awab'ejink sa' xk'ojarib'aal laj David linyuwa'. Ab'anan toj saajin ut toj maak'a' inna'leb'.

2 Samuel 10:12

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

2 Samuel 12:23

Ab'an anaqwan naq ak xkamk, k'a' naq tin'ayuuniq? Ma truuq tab'i' tinyoob'tesi wi' chik? Laa'in tinxik wan wi' a'an, ab'an a'an ink'a' chik taachalq wik'in”, chan li awab'ej.

1 Crónicas 22:13

Chixjunil taa'elq chi us, wi taapaab' li xchaq'rab' ut li xtaqlahom li Qaawa' yeeb'il re laj Moisés cho'q reheb' laj Israel. Kawaq aach'ool ut xaqxooqat chi kaw. Mich'inank aach'ool chi moko tatxiwaq!

1 Crónicas 22:16

Jo'kan utan, tikib' k'anjelak. A' taxaq li Qaawa' chiwanq aawik'in!”, chan laj David.

1 Crónicas 28:10

Chak'e reetal naq li Qaawa' xsik'om aawu re naq taayiib' jun li ochoch li taawanq cho'q xloq'laj na'aj. Kawaq aach'ool ut chayal aaq'e chi k'anjelak!”, chan laj David.