1 Pedro 5:2 - Q'eqchi Bible

² cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

Li Santil hu

² La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

1 Pedro 5:2 ပူးပေါင်းရင်းမြစ်များ

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

1 Timoteo 3:8

Jo'kanaqeb' ajwi' li diákono, tento naq tiikaqeb' xch'ool, maawa'aqeb' aj ka'pak'al u, aj rahol ru b'iin chi moko aj sik'ol b'ihomal sa' b'alaq',

Tito 3:1

Chajultika reheb' laj paab'anel naq che'paab'anq chiruheb' laj taqlanel ut li wankeb' sa' xwankil; che'ab'inq ut yo'oon wanqeb' re xb'aanunkil chixjunil li chaab'il k'anjel.

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

1 Corintios 9:7

Ani nawank chi soldaadil ut yal tixk'achi'i rib' xjunes? Ani na'awok jun siiraq chi uub' chi ink'a' ta tixyal xsahil ru li rawimq? Ani nab'eresink ketomq chi ink'a' ta tixyal xsahil li xketomq?

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

Ezequiel 34:31

Laa'ex linkarneer; laa'ex li walal ink'ajol b'eresinb'ilex inb'aan ut laa'in leeYos”, chan li Qaawa'.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Zacarías 11:17

Ra chaalel sa' xb'een laj ilol ketomq li maak'a' na'ok wi', li naxkanab' xjuneseb' li ketomq. Chitiq'e'q ta chi q'esnal ch'iich' li xtel jo'wi' xsa' li ru wank sa' xnim. Chichaqiq ta chixjunil li ruq' ut chimutz'irq chi junajwa xsa'eb' li ru”, chan li Qaawa'.

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Cantares 1:8

Wi ink'a' nakanaw, at xchaq'alilat ru sa' xyanqeb' li ixq, taaqe li xnums eb' li ketomq ut chab'eresiheb' laachib'aat chi xk'atq li xmuheb'aaleb' laj k'aak'alehom ketomq.

Filemón 1:14

ab'anan maak'a' xwaj xb'aanunkil chi ink'a' xb'enwa xwab'i k'aru nakak'oxla chirix, re naq ink'a' minb'ilaq aawu chi xb'aanunkil li usilal a'in, chi anchalaq b'an aach'ool.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Romanos 1:15

Jo'kan naq k'ajo' naq nawaj xpuktesinkil li Chaab'il Esilal eerik'in laa'ex li wankex Roma.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

Jeremías 13:20

“At Jerusalén, taqsi laawilob'aal ut k'e reetal naq sa' xjayal releb'l iq' yookeb' chaq chi chalk eb' li xik' neke'ilok aawe. B'ar xkoheb' li jun ch'uut chi karneer li xk'eemank chawil? B'ar wankeb' anaqwan eb' laachaq'alil ru karneer?

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

2 Reyes 12:6

Ab'anan, naq ak oxib' xka'k'aal chihab' rokik laj Johás cho'q awab'ej, eb' laj tij toj maji' ajwi' neke'xyiib' chi chaab'il li rochoch li Qaawa'.

Ezequiel 46:24

Toja' naq kixye we: “Eb' laj k'anjel sa' rochoch li Yos, arin te'xchiq li mayej neke'xk'e eb' li poyanam”.