1 Pedro 4:9 - Q'eqchi Bible

⁹ Chexk'ehoq ochochnaal cherib'il eerib' chi maak'a'aq wech'ink.

Li Santil hu

⁹ Chexqꞌuehok ochochna̱l che̱ribil e̱rib chi sa saꞌ e̱chꞌo̱l.

1 Pedro 4:9 ပူးပေါင်းရင်းမြစ်များ

Hebreos 13:2

Misachk sa' eech'ool li k'ehok ochochnaal; sa' xk'ab'a' a'an wankeb' xe'xk'ul eb' li ánjel sa' rochocheb' chi ink'a' xe'xnaw.

Romanos 12:13

Chexwotzoq rik'ineb' laj santil paab'anel li wankeb' sa' rajb'al ru, chexk'ehoq ochochnaal.

Filipenses 2:14

B'aanuhomaq chixjunil chi maak'a'aq xchoqoqinkil ut xwech'inkil eerib',

Hebreos 13:16

Misachk sa' eech'ool xb'aanunkil li usilal jo'wi' xwotzb'al chixjunil; a'an a'in li mayej nawulak chiru li Yos.

Tito 1:8

aj k'eholaq ochochnaal b'an, aj raholaq re li us, wanq xna'leb', tiikaq xch'ool, aj paab'anelaq, tixnaw xkuyb'al rib',

1 Timoteo 3:2

Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk,

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

Filemón 1:14

ab'anan maak'a' xwaj xb'aanunkil chi ink'a' xb'enwa xwab'i k'aru nakak'oxla chirix, re naq ink'a' minb'ilaq aawu chi xb'aanunkil li usilal a'in, chi anchalaq b'an aach'ool.

Romanos 16:23

Naxtaqla xsahil eech'ool laj Gayo, li nak'ehok wochochnaal laa'in jo'wi' re chixjunil li Iklees.

Génesis 24:19

Naq kiraqe'k chi xk'eeb'al, kixye: “Tinxok ajwi' chaq xha'eb' laakameey toj reetal te'k'ojlaaq xch'ool”, chan.