1 Pedro 4:2 - Q'eqchi Bible

² re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

Li Santil hu

² Ut jarub cutan chic toj yoꞌyo̱kex cheba̱nuhak li cꞌaꞌru naraj li Dios, ut incꞌaꞌ chic yo̱kex chixba̱nunquil li cꞌaꞌru querahi chak ru junxil.

1 Pedro 4:2 ပူးပေါင်းရင်းမြစ်များ

1 Pedro 1:14

Jo'qex li alal k'ajolb'ej neke'paab'ank, meek'e chik eech'ool chirix li xerahi chaq ru junxil naq toj wankex chaq sa' xmajelal leena'leb'.

Efesios 6:6

moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, jo'aqex b'an xmoos li Kriist, yooqex chi xb'aanunkil li naraj li Yos chi anchal eech'ool.

Romanos 6:11

Jo'kan ajwi' laa'ex, chereek'ahaq naq kamenaqex chiru li maak ut yo'yookex cho'q re li Yos sa' xk'ab'a' li Kristo Jesus.

2 Corintios 5:15

Ut a'an kikamk sa' xk'ab'a' chixjunileb', re naq eb' li yo'yookeb' ink'a' chik yo'yooqeb' yal cho'q reheb', cho'q re b'an li kikamk ut kiwakliik wi' chik sa' xk'ab'a'eb' a'an.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

Romanos 6:2

Wi xookamk chiru li maak, chanru naq toj wanqo chisa' chi jo'kanan?

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Romanos 14:7

Xb'aan naq maajun qe laa'o yo'yo cho'q re xjunes rib', chi moko taakamq cho'q re xjunes rib'.

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Salmos 143:10

Chak'ut chiwu xpaab'ankil laawajom: relik chi yaal naq laa'at linYos. A' taxaq laachaab'il musiq' chib'eresinq we sa' tuqtuukil ru b'e.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

San Marcos 7:21

xb'aan naq chisa' li xch'ool na'elk chaq li ink'a' usil na'leb': li ko'b'eetak yumb'eetak, elq'ak, kamsink,

San Marcos 3:35

Xb'aan naq chixjunil li taab'aanunq re li rajom li Yos, a'an li wiitz'in, li wanab' ut linna'.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

1 Juan 2:17

Li ruuchich'och' ut li na'atawaak xb'aan, yal aj numeleb'; a'ut li nab'aanunk re li rajom li Yos a'an wanq chi junelik.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

1 Ts 5:18

Chexyoxinq chirix jo'ch'inal jo'nimal li nekek'ul, xb'aan naq a'an a'in li naraj li Yos naq teeb'aanu, sa' xk'ab'a' li Kristo Jesus.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Romanos 7:4

Jo'kan utan, ex was wiitz'in, laa'ex ajwi' xexkanaak chi kamenaq chiru xChaq'rab' laj Moisés sa' xk'ab'a' xkamik li Kriist, re naq jalan chik taa'eechaninq eere: a' Li kiwaklesiik wi' chik chi yo'yo sa' xyanqeb' li kamenaq re naq laa'o too'uuchinq cho'q re li Yos.

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

San Mateo 21:31

Ani reheb' li wiib' chi alalb'ej xb'aanu li rajom li yuwa'b'ej? —A' li xb'een, chankeb'. Ut li Jesus kixye reheb': —Relik chi yaal ninye eere naq eb' laj titz'ol toj ut eb' laj yumb'eet te'wulaq xb'enwa cheru laa'ex sa' li xnimajwal awab'ejihom li Yos.

San Mateo 12:50

Xb'aan naq chixjunil li taab'aanunq re li rajom linchoxahil Yuwa', a'an li wiitz'in, li wanab' ut linna'.

San Mateo 7:21

“Moko chixjunil ta li nayehok we: «Qaawa', Qaawa'», taa'ok sa' li xnimajwal wankilal li choxa, taa'ok b'an li taab'aanunq re li rajom linchoxahil Yuwa'.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Colosenses 3:3

Xb'aan naq ak kamenaqex ut muqmu leeyu'am rochb'een li Kriist rik'in li Yos.

San Mateo 20:4

«Ayuqex ajwi' laa'ex sa' li wawimq, ut texintoj chi tz'aqal», chan reheb'.