1 Juan 5:9 - Q'eqchi Bible

⁹ Laa'o naqak'ulub'a li yaal ch'olob'anb'il xb'aaneb' li winq, ab'an q'axal wi' chik wank xwankil li xyehom li Yos li naxch'olob' li yaal chirix li Ralal.

Li Santil hu

⁹ La̱o nakapa̱b li ya̱l chꞌolobanbil xbaneb li cui̱nk. Abanan li chꞌolobanbil xban li Dios kꞌaxal cuiꞌchic nim xcuanquil chiru aꞌan. Ut li Dios quixchꞌolob xya̱lal nak li Jesús aꞌan li Ralal.

1 Juan 5:9 ပူးပေါင်းရင်းမြစ်များ

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

1 Juan 5:10

Ani napaab'ank re li Ralal li Yos, ch'olch'o ru li yaal rik'in; a'ut li ink'a' napaab'ank re li Yos, naxk'e li Yos cho'q aj tik'ti', xb'aan naq ink'a' naxpaab' li xyehom li Yos chirix li Ralal.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

Hechos 5:32

Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re.

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

San Juan 5:39

“Laa'ex nekek'e eech'ool chi xtzolb'al chi us xsa' li Santil Hu xb'aan naq nekek'oxla xtawb'al li junelik yu'am chisa'. A' li Santil Hu na'aatinak chiwix,

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

1 Juan 5:8

li Musiq'ej, li ha' ut li kik', ut li oxib' a'in junaj ru neke'xye.