1 Juan 5:16 - Q'eqchi Bible

¹⁶ Wi ani taaril li ras riitz'in chi xb'aanunkil junaq maak li maawa' re kamk, chitijoq chiru li Yos ut taak'ehe'q xyu'am laj maak: yookin chi aatinak chirix li naxb'aanu junaq maak maawa' re kamk, xb'aan naq wank jun li maak re kamk, ut maak'a' rajb'al li tijok chirix a'an.

Li Santil hu

¹⁶ Cui la̱o takil junak li kaherma̱n chi ma̱cobc ut naru xcuybal lix ma̱c, chotijok chirix re nak ta̱cuyekꞌ xma̱c xban li Dios ut ta̱cua̱nk riqꞌuin li Dios toj chirix lix camic. Abanan cuan li ma̱c incꞌaꞌ naxcuy li Dios. Ma̱cꞌaꞌ rajbal li tijoc chirix li ani yo̱ chi ba̱nu̱nc re li ma̱c li ma̱cꞌaꞌ xcuybal.

1 Juan 5:16 ပူးပေါင်းရင်းမြစ်များ

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

1 Samuel 2:25

Wi junaq poyanam namaakob'k chiru li ras riitz'in, li Yos truuq taa'okenq chirix. Ab'anan wi namaakob'k chiru li Qaawa', ani taa'okenq chirix?”. A'ut eb' a'an ink'a' ke'ab'ink chiru li xyuwa'eb', xb'aan naq ak wank sa' xch'ool li Qaawa' naq tento te'kamq.

San Lucas 12:10

“Ut yalaq ani taayehoq junaq aatin re xxik'b'al rilb'al li K'ajolb'ej, taakuymanq taasachmanq li xmaak; ab'an li taamajewanq re li Santil Musiq'ej, ink'a' taakuymanq taasachmanq xmaak.

Jeremías 14:11

Li Qaawa' kixye we: “Mattijok chiwu chirix li tenamit a'in.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

Números 15:30

“A'ut li namaakob'k chi yal naraj xch'ool, a' yaal ma aj Israel malaj jalan xtenamit, naxmux xloq'al li Qaawa'. Li taab'aanunq re a'an, taakamsiiq

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Génesis 20:17

Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik:

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

San Juan 17:9

“Nintijok chirixeb' a'an; ink'a' nintijok chirix li ruuchich'och', chirixeb' b'an li xak'eheb' we xb'aan naq aaweheb'.

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

Números 12:13

Toja' naq laj Moisés ki'elajink chiru li Qaawa' ut kixye re: “At Qaawa' Yos, b'aanu usilal, k'irtasi lix María”, chan.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.

1 Juan 5:17

Chixjunil li maa'usilal a'an maak, ab'an wank maak maawa' re kamk.