1 Juan 5:1 - Q'eqchi Bible

¹ Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

Li Santil hu

¹ Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

1 Juan 5:1 ပူးပေါင်းရင်းမြစ်များ

1 Juan 2:29

Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

1 Juan 3:14

Laa'o naqanaw chi us naq xoo'elk sa' li kamk ut xooq'axonk sa' li yu'am, xb'aan naq naqaraheb' li qas qiitz'in. Ani ink'a' narahok, nakanaak sa' li kamk.

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.

1 Juan 3:9

Yalaq ani yo'lajenaq rik'in li Yos ink'a' naxb'aanu li maak xb'aan naq li xyu'am li Yos wank rik'in; ut ink'a' naru namaakob'k, xb'aan naq yo'lajenaq rik'in li Yos.

San Juan 3:3

Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

1 Juan 2:10

Ani naxra li ras riitz'in, wank sa' li saqenk chi junelik ut ink'a' natichk'ok.

San Juan 15:23

Ani xik' na'ilok we, xik' ajwi' naril linYuwa'.

1 Juan 4:2

A'an a'in teenaw wi' naq junaq wank li xmusiq' li Yos rik'in: chixjunil li taach'olob'anq re naq li Jesukriist koltz'ejwalo'q, wank li xmusiq' li Yos rik'in;

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

San Juan 6:69

Laa'o naqapaab' ut naqanaw naq laa'at li xSantil Alal li Yos.

1 Juan 3:17

Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

Hechos 8:36

Ut naq yookeb' chi xik, ke'wulak sa' jun li na'ajej b'arwi' wank li ha', ut li xnimal ru winq kixye: —Arin wank ha'. K'aru taaramoq chiwu xkub'ik inha'?

San Juan 1:3

Chixjunil ki'uxmank sa' xk'ab'a' a'an ut maak'a' k'a' re ru kiwank chi maak'a' ta a'an.

1 Juan 5:5

Ani naq'axok ru li ruuchich'och'? Ma ink'a' tab'i' li naxpaab' naq li Jesus a'an li Ralal li Yos?

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

San Lucas 7:5

xb'aan naq naxra li qatenamit, ut a'an ajwi' kiyiib'ank re li qach'utleb'aal kab'l.