1 Juan 4:9 - Q'eqchi Bible

⁹ A'in kik'utunk wi' qik'in li qaraab'al xb'aan li Yos: naq li Yos kixtaqla chaq li Ralal jun chirib'il sa' ruuchich'och' re naq wanq qayu'am sa' xk'ab'a' A'an.

Li Santil hu

⁹ Li Dios quixcꞌut chiku chanru nak nocoxra nak quixtakla chak lix junaj chi Alal saꞌ ruchichꞌochꞌ chi ca̱mc saꞌ kacꞌabaꞌ la̱o. Li Dios quixtakla chak li Ralal re nak ta̱cua̱nk kayuꞌam chi junelic.

1 Juan 4:9 ပူးပေါင်းရင်းမြစ်များ

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

1 Juan 5:11

Ut a'an a'in li xch'olob'ahom li Yos: naq xk'e qe li junelik yu'am ut li yu'am a'in wank rik'in li Ralal.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

San Juan 6:57

Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.

1 Juan 4:10

Rik'in a'in nawank li rahok: moko rik'in ta naq laa'o xoorahok re li Yos, rik'in b'an naq A'an kirahok qe ut kixtaqla chaq li Ralal cho'q kames-mayej chirix li qamaak.

1 Juan 3:16

A'in xqataw wi' ru k'aru li rahok, rik'in naq li Jesus kixk'e li xyu'am sa' qak'ab'a'; jo'kan naq laa'o ajwi' tento tqak'e li qayu'am sa' xk'ab'a'eb' li qas qiitz'in.

San Juan 10:10

“Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Juan 3:18

“Li napaab'ank re li Ralal li Yos, maak'a' tojb'amaak sa' xb'een. A'ut li ink'a' napaab'ank, ak raqb'il aatin sa' xb'een, xb'aan naq ink'a' xpaab' li Ralal li Yos jun chirib'il.

Hebreos 1:5

Ani tawi' reheb' li ánjel kiyehe'k wi' jun sutaq xb'aan li Yos: “Laa'at li walal; anaqwan xatinyoob'tesi”? Malaj kixye: “Laa'inaq li xYuwa' ut a'anaq li walal”?

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Marcos 12:6

“Toj wank jun chik, a' li ralal raaro xb'aan. Sa' roso'jik kixtaqla a'an rik'ineb': «Li walal te'roxloq'i», chan sa' xch'ool.

1 Juan 4:16

Ut laa'o qanawom ut qapaab'ahom chi tz'aqal yaal li qaraab'al xb'aan li Yos. Li Yos a'an rahok, ut ani nakanaak sa' li rahok, a'an nakanaak rik'in li Yos ut li Yos rik'in a'an.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 6:29

Kichaq'ok li Jesus ut kixye reheb': —Li k'anjel naraj li Yos, a'an: naq chepaab' li taqlanb'il chaq xb'aan.

San Juan 8:29

Ut li kitaqlank chaq we wank wik'in: ink'a' xinxkanab' injunes, xb'aan naq junelik ninb'aanu li nawulak chiru.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

San Juan 9:3

Kichaq'ok li Jesus ut kixye: —Chi moko a'in kimaakob'k chi moko eb' li xna' xyuwa', re b'an naq li xnimal xwankil li Yos taak'utb'esiiq rik'in.

1 Juan 5:13

Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.