1 Juan 4:8 - Q'eqchi Bible

⁸ Ani ink'a' narahok, ink'a' xnawom ru li Yos, xb'aan naq li Yos a'an rahok.

Li Santil hu

⁸ Ut li incꞌaꞌ narahoc ma̱cuaꞌ ralal li Dios xban nak li rahoc riqꞌuin li Dios nachal.

1 Juan 4:8 ပူးပေါင်းရင်းမြစ်များ

1 Juan 4:16

Ut laa'o qanawom ut qapaab'ahom chi tz'aqal yaal li qaraab'al xb'aan li Yos. Li Yos a'an rahok, ut ani nakanaak sa' li rahok, a'an nakanaak rik'in li Yos ut li Yos rik'in a'an.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

1 Juan 1:5

Ut a'an a'in li esil xqab'i rik'in li Jesus ut naqaye eere: li Yos a'an saqenk ut maak'a' li aak'ab' rik'in.

1 Juan 3:6

Yalaq ani xtz'ejwalihom rib' rik'in, ink'a' chik namaakob'k; chixjunil li namaakob'k ink'a' rilom chi moko xnawom ru A'an.

1 Juan 2:9

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

1 Juan 2:4

Wi junaq nayehok: “Laa'in ninnaw ru”, ut wi ink'a' naxpaab' li xchaq'rab', a'an aj tik'ti' ut maak'a' li yaal rik'in.

Hebreos 12:29

xb'aan naq li qaYos a'an jo' jun li xam k'ajo' nasachok.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.