1 Juan 4:4 - Q'eqchi Bible

⁴ Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

Li Santil hu

⁴ Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

1 Juan 4:4 ပူးပေါင်းရင်းမြစ်များ

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

1 Juan 4:16

Ut laa'o qanawom ut qapaab'ahom chi tz'aqal yaal li qaraab'al xb'aan li Yos. Li Yos a'an rahok, ut ani nakanaak sa' li rahok, a'an nakanaak rik'in li Yos ut li Yos rik'in a'an.

1 Corintios 2:12

Ut laa'o ink'a' xqak'ul xmusiq' li ruuchich'och', xqak'ul b'an li Musiq'ej li nachalk rik'in li Yos, re naq tqataw ru chixjunil li xqamaatani rik'in li Yos.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

1 Juan 4:13

A'in naqanaw wi' naq wanko rik'in li Yos ut A'an qik'in: naq koxk'e chi tz'aqonk rik'in li xMusiq'.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

Efesios 3:17

Li Kriist chihilanq sa' leeraanm sa' xk'ab'a' li paab'aal. Chexe'eni ut cherub'ela eerib' sa' li rahok,

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

1 Juan 3:24

Ani napaab'ank reheb' li xchaq'rab', nakanaak rik'in li Yos ut li Yos nakanaak rik'in. A'in naqanaw wi' naq li Yos wank qik'in chi junelik: xb'aan li Musiq'ej li xk'ehom chaq qe.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

1 Juan 4:6

A'ut laa'o reho li Yos. Ani naxnaw ru li Yos, a'an nokoorab'i; ut li moko re ta li Yos, a'an ink'a' nokoorab'i. A'in naqanaw wi' ru li xmusiq' li yaal ut li b'alaq' aj musiq'ej.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

1 Juan 2:13

Nintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Nintz'iib'ak eerik'in, ex saaj al, xb'aan naq xeq'ax ru li maa'us.

1 Corintios 6:13

Wank ajwi' neke'yehok: “Li tzekemq cho'q re li sa'ej ut li sa'ej cho'q re li tzekemq!”, ab'an li Yos tixsach chi xkab'ichaleb' a'an. Li tz'ejwalej moko re ta li ko'b'eetak ut li yumb'eetak, re b'an li Qaawa', ut li Qaawa' cho'q re li tz'ejwalej.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

1 Juan 3:20

us ta nokooxq'us li qach'ool, ab'an li Yos nim xwankil chiru li qach'ool ut naxnaw chixjunil.