1 Juan 4:17 - Q'eqchi Bible

¹⁷ Rik'in a'in tz'aqal re ru li rahok qik'in: naq kawaq qach'ool sa' xkutankil li raqb'a aatin, xb'aan naq jo' chanru li xyu'am li Jesus, jo'kano ajwi' laa'o sa' li ruuchich'och' a'in.

Li Santil hu

¹⁷ Riqꞌuin aꞌin ta̱tzꞌaklok ru li rahoc kiqꞌuin la̱o re nak cauhak kachꞌo̱l saꞌ xcutanquil li rakba a̱tin. Chanru xnaꞌleb li Ka̱cuaꞌ Jesucristo, joꞌcanak ajcuiꞌ li kanaꞌleb la̱o nak cua̱nko arin saꞌ ruchichꞌochꞌ.

1 Juan 4:17 ပူးပေါင်းရင်းမြစ်များ

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

1 Juan 2:28

Ut anaqwan, ex inkok'al, chexwanq rik'in li Kriist chi junelik re naq, jo'q'e tixk'ut rib', chiwanq xkawub' qach'ool ut ink'a' tooxutaanaq chiru, sa' li xk'ulunik.

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

1 Juan 2:5

A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

1 Juan 3:1

K'ehomaq reetal, k'ajo' xnimal li qaraab'al xk'ehom qe li Yuwa'b'ej: naq ralal xk'ajol li Yos naqak'ab'a'in, ut relik chi yaal naq laa'o ajwi'. Li ruuchich'och' ink'a' naxnaw qu xb'aan naq ink'a' xnawom ru A'an.

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Santiago 2:22

K'e reetal naq li xpaab'aal laj Abrahán yo chaq chi k'anjelak rochb'een li xb'aanuhom, ut sa' xk'ab'a' li xchaab'il b'aanuhom kitz'aqlok ru li xpaab'aal.

San Mateo 12:36

Ninye eere naq chixjunil li aatin tixye li junjunq chi maak'a' rajb'al, toxq'axtesi sa' xkutankil li raqb'a aatin:

San Mateo 11:24

Ab'anan laa'in ninye eere: kotzko b'ayaq li rahilal te'xk'ul eb' laj Sodoom chiru li taak'ul laa'at sa' xkutankil li raqb'a aatin”.

San Mateo 11:22

A'ut laa'in ninye eere: kotzko b'ayaq li rahilal te'xk'ul Tiro ut Sidón chiru li teek'ul laa'ex sa' xkutankil li raqb'a aatin.

San Mateo 10:25

Tz'aqalaq cho'q re li toj yo chi tzolok naq jo'aq laj tzolol re, ut laj k'anjel jo'aq laj eechal re. Wi aj Beelsebul kiyehe'k re laj eechal kab'l, ma toja' ta chik li wankeb' sa' li rochoch?

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

San Juan 17:22

Laa'in xink'e reheb' linloq'al xak'e chaq we, re naq junaqeb' ta a'an, kama' laa'o juno ajwi':

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

1 Juan 2:6

Ani nayehok naq wank rik'in li Yos, tento taawanq jo' naq kiwank li Jesus.

1 Juan 3:7

Ex inkok'al, maa'ani chib'alaq'inq eere. Ani nab'aanunk re li tiikilal, a'an tiik xch'ool jo' li Jesus.