1 Juan 4:11 - Q'eqchi Bible

¹¹ Ex inrahom, wi jo'ka'in naq kooxra li Yos, laa'o ajwi' tento naq chiqara qib' chiqib'il qib'.

Li Santil hu

¹¹ Ex herma̱n, xban nak kꞌaxal nocoxra li Dios, tento ajcuiꞌ nak takara kib chi kibil kib la̱o.

1 Juan 4:11 ပူးပေါင်းရင်းမြစ်များ

Colosenses 3:13

Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal. Jo' naq kixkuy eemaak li Kriist, jo'kan ajwi' cheb'aanu laa'ex.

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

San Lucas 10:37

Kichaq'ok laj nahol Chaq'rab': —A' li ki'uxtaanank u. Ut li Jesus kixye re: —Ayu ut jo'kan ajwi' chab'aanu laa'at.

Efesios 4:31

Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

1 Juan 2:7

Ex inrahom, ink'a' nintz'iib'a eerik'in jun ak' chaq'rab', jun b'an najteril chaq'rab' li wank eerik'in chalen chaq sa' xtiklajik. Li najteril chaq'rab' a'an li Aatin li xerab'i.

1 Juan 3:11

Xb'aan naq a'an a'in li esilal xerab'i laa'ex chalen chaq sa' xtiklajik: naq chiqara qib' chiqib'il qib'.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

2 Juan 1:5

Ut anaqwan nintz'aama chawu, at Qana' (ink'a' yookin chi tz'iib'ak aawik'in chirix jun li ak' chaq'rab', chirix b'an li chaq'rab' li wank qik'in chalen chaq sa' xtiklajik), naq chiqara qib' chiqib'il qib'.