1 Juan 4:1 - Q'eqchi Bible

¹ Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Li Santil hu

¹ Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

1 Juan 4:1 ပူးပေါင်းရင်းမြစ်များ

1 Ts 5:21

Tz'ilomaq rix chixjunil ut k'uulahomaq sa' eech'ool li us.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

1 Timoteo 4:1

Ch'olch'o naxye li Musiq'ej naq sa' roso'jikeb' li kutan wan te'xkanab' paab'ank ut te'xtaaqe eb' laj b'alaq'il musiq'ej ut li xk'utumeb' laj tza.

2 Juan 1:7

Naab'aleb' laj luktesinel ch'oolej xe'waklije'k chaq sa' ruuchich'och': eb' a'an ink'a' neke'xch'olob' naq li Jesukriist koltz'ejwalo'q. A'an a'in laj Luktesinel ch'oolej ut laj Tz'eqtaanahom re li Kriist.

Proverbios 14:15

Li ink'a' nak'oxlak naxpaab' chixjunil li nayehe'k re; li wank xna'leb' naxk'e reetal b'ar yo chi xik.

1 Corintios 14:29

A'an ajwi' tento xb'aanunkil rik'ineb' li propeet: che'aatinaq wiib' oxib'aq ut eb' li junch'ol che'raqoq aatin chirix li xe'xye.

1 Juan 2:18

Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

San Lucas 12:57

“K'a'ut naq ink'a' neketz'il rix eejunes k'aru us xb'aanunkil?

San Lucas 21:8

Kichaq'ok li Jesus ut kixye reheb': “Chek'ehaq reetal, meek'e eerib' chi b'alaq'iik. Xb'aan naq naab'aleb' te'chalq ut te'roksi link'ab'a': «Laa'inin», cha'qeb'; jo'kan ajwi': «Li xq'ehil ak nach' wank», cha'qeb'. Mexxik chirixeb'.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

1 Corintios 12:10

wan chik xmaatani re xb'aanunkil sachb'ach'oolej; wan k'eeb'il xmaatan re aatinak jo' propeet; wan xmaatani xnawb'al ruheb' li musiq'ej; wan ajwi' xmaatani aatinak sa' jalanil aatin li ink'a' natawmank ru; wan chik k'eeb'il xmaatan chi xch'olob'ankil xyaalal eb' li aatin a'in.

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

San Marcos 13:21

“Jo'kan wi junaq taayehoq eere: «Ilomaq, we' li Kriist» malaj: «Le' wank», meepaab'.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

1 Reyes 13:18

Ab'anan li tiixil winq kixtik'ti'i ut kixye re: “Laa'in ajwi' jun propeet kama' laa'at. Ut jun x'ánjel li Qaawa' xtaqlaak chaq wik'in re xyeeb'al we: «B'oq chaq aawik'in sa' laawochoch, re taatzekanq ut taa'uk'aq»”.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Jeremías 23:16

Jo'ka'in kixye li Nimajwal Yos: “Ex aj Israel, meepaab' li neke'xye eere eb' li propeet, xb'aan naq yal yookeb' cheb'alaq'inkil: junes tik'ti' neke'xye, yal k'oxlanb'il xb'aaneb' a'an. Moko xin'aatinak ta rik'ineb' laa'in.

1 Ts 5:20

Meetz'eqtaana eb' li neke'aatinak jo' propeet.

2 Ts 2:2

naq meejal eek'a'uxl sa' junpaat chi moko chexib'e eerib' rik'in junaq xnimal reetalil li Musiq'ej, chi moko rik'in junaq aatin malaj hu kama' ta li taqlanb'il qab'aan, chanchan tawi' yooko chi xyeeb'al naq ak xtaw xq'ehil xkutankil li Qaawa'.

1 Juan 2:7

Ex inrahom, ink'a' nintz'iib'a eerik'in jun ak' chaq'rab', jun b'an najteril chaq'rab' li wank eerik'in chalen chaq sa' xtiklajik. Li najteril chaq'rab' a'an li Aatin li xerab'i.

3 Juan 1:11

At inrahom, maak'am aawe rik'in li ink'a' us, chak'am b'an aawe rik'in li us. Ani nab'aanunk re li us, a'an re li Yos; ut li naxb'aanu li ink'a' us, moko rilom ta ru li Yos.