1 Juan 3:5 - Q'eqchi Bible

⁵ Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

Li Santil hu

⁵ La̱ex nequenau nak li Ka̱cuaꞌ Jesucristo quicꞌulun re xcuybal ut xsachbal li kama̱c. Relic chi ya̱l nak aꞌan ma̱cuaꞌ aj ma̱c.

1 Juan 3:5 ပူးပေါင်းရင်းမြစ်များ

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 9:26

Wi ta kixmayeja rib' naab'al sut, tento raj naq naab'al sut kixk'ul li rahilal chalen sa' xk'ojlajik chaq li ruuchich'och'. Ab'an a'an jun sut ajwi' kixk'ut rib', sa' xtz'aqlojik ru li kutan, re xsachb'al xwankil li maak rik'in xmayejankil rib'.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

1 Pedro 1:20

A'an ak sik'b'il chaq ru rub'elaj xk'ojlajik li ruuchich'och', ut anaqwan xk'utb'esi rib' sa' roso'jikeb' li kutan xb'aan eeraab'al laa'ex.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

San Juan 8:46

Ani eere truuq taayehoq naq wank inmaak? Wi ninye li yaal, k'a'ut naq ink'a' nikineepaab'?

San Juan 1:31

Ut laa'in ink'a' ninnaw chaq ru, ab'anan xinchalk chi kub'sink ha' re naq taak'utb'esiiq a'an chiruheb' laj Israel”.

San Lucas 23:47

Naq kiril a'in li xjolomileb' laj puub', kixnima xloq'al li Yos: —Relik chi yaal naq li winq a'in tiik xch'ool, chan.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

1 Juan 2:29

Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.