1 Juan 3:4 - Q'eqchi Bible

⁴ Yalaq ani namaakob'k, naxq'et li Chaq'rab', xb'aan naq li maak a'an li q'etb'a-aatin chiru li Yos.

Li Santil hu

⁴ Li ani nama̱cob naxkꞌet lix chakꞌrab li Dios xban nak li ma̱cobc aꞌan xkꞌetbal li chakꞌrab.

1 Juan 3:4 ပူးပေါင်းရင်းမြစ်များ

1 Juan 5:17

Chixjunil li maa'usilal a'an maak, ab'an wank maak maawa' re kamk.

Romanos 3:20

Xb'aan naq maa'ani taatiikob'resiiq xch'ool chiru li Yos yal sa' xk'ab'a' xpaab'ankil li Chaq'rab'; a'in b'an li naxb'aanu li Chaq'rab': naxk'e chi nawe'k naq laa'o aj maak.

Números 15:31

xb'aan naq xtz'eqtaana li raatin li Qaawa' ut xq'et li xchaq'rab'. Taakamsiiq li winq li ixq a'an, ut li xmaak taakanaaq sa' xb'een”, chan li Qaawa'.

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

Romanos 4:15

Li Chaq'rab' nak'amok chaq xjosq'il li Yos, ab'anan b'ar maak'a' wi' li Chaq'rab', aran maak'a' ajwi' q'etb'a aatin.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

2 Crónicas 24:20

Toja' naq li xmusiq' li Yos ki'ok rik'in laj Sakarías, ralal laj Johadá laj tij, ut a'an kixxaqab' rib' chiruheb' li tenamit ut kixye: “Jo'ka'in xye li Qaawa': «K'a'ut naq nekeq'et xchaq'rab' li Qaawa'? Moko us ta tex'elq. Laa'ex xetz'eqtaana li Qaawa'; jo'kan naq A'an texxtz'eqtaana laa'ex»”.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

1 Crónicas 10:13

Jo'ka'in naq kikamk laj Saúl, xb'aan naq kimaakob'k naq kixq'etq'eti rib' chiru li Qaawa': ink'a' kixpaab' li raatin li Qaawa' ut kipatz'ok rik'in jun li ixq aj q'e.

Santiago 5:15

Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak.

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

San Mateo 5:19

Jo'kan utan, li ani taaq'etoq junaq reheb' li chaq'rab' a'in jwal kach'in ut tixk'ut chi jo'kan chiruheb' li tenamit, a'an jwal kach'inaq sa' li xnimajwal wankilal li choxa; a'ut li taapaab'anq re ut tixk'ut, a'an nimaq xloq'al sa' li xnimajwal wankilal li choxa.

Hechos 23:3

Toja' naq laj Pablo kixye re: —Li Yos taasak'oq aawe, at saqob'resinb'il tz'ak! K'ojk'ookat chi raqok aatin chiwix jo' naxye li Chaq'rab', ut laa'at nakaq'et li Chaq'rab' rik'in xtaqlankil insak'b'al.