1 Juan 3:3 - Q'eqchi Bible

³ Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

Li Santil hu

³ Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.

1 Juan 3:3 ပူးပေါင်းရင်းမြစ်များ

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

1 Juan 2:6

Ani nayehok naq wank rik'in li Yos, tento taawanq jo' naq kiwank li Jesus.

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

Hechos 15:9

Moko jalan ta kixb'aanu qe laa'o, jalan ta kixb'aanu reheb' a'an, xb'aan naq kixch'ajob'resi li xch'ooleb' xb'aan li paab'aal.

Tito 3:7

re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

2 Pedro 1:4

Sa' xk'ab'a'eb' a'an xqamaatani chixjunil li kiyeechi'iik chaq chi junxilaj, a'an li q'axal nim ut loq', re naq chi jo'kan tex'eleliq chiru li maa'usilal li wank sa' ruuchich'och' xb'aan li yib' aj k'a'uxl, jo' ajwi' re textz'aqonq sa' li xyu'am li Yos.

San Lucas 6:36

“Aj uxtaanaqex jo' naq aj uxtaan leeYuwa'.

1 Juan 4:17

Rik'in a'in tz'aqal re ru li rahok qik'in: naq kawaq qach'ool sa' xkutankil li raqb'a aatin, xb'aan naq jo' chanru li xyu'am li Jesus, jo'kano ajwi' laa'o sa' li ruuchich'och' a'in.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

2 Samuel 22:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

1 Pedro 1:15

Ink'a' b'i'an. Santaqex b'an rik'in chixjunil leeyehom leeb'aanuhom, jo' naq sant Li kib'oqok chaq eere;