1 Juan 3:24 - Q'eqchi Bible

²⁴ Ani napaab'ank reheb' li xchaq'rab', nakanaak rik'in li Yos ut li Yos nakanaak rik'in. A'in naqanaw wi' naq li Yos wank qik'in chi junelik: xb'aan li Musiq'ej li xk'ehom chaq qe.

Li Santil hu

²⁴ Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

1 Juan 3:24 ပူးပေါင်းရင်းမြစ်များ

1 Corintios 3:16

Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

2 Timoteo 1:14

Rik'in xwankil li Santil Musiq'ej li wank qik'in chak'uula sa' laach'ool li yaal q'axtesinb'il aawe.

1 Juan 2:6

Ani nayehok naq wank rik'in li Yos, tento taawanq jo' naq kiwank li Jesus.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

1 Juan 2:3

A'an a'in naqanaw wi' naq naqanaw ru li Yos, wi naqapaab' eb' li xchaq'rab'.

1 Juan 2:5

A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

1 Juan 2:24

Jo'kan naq chiwanq sa' leech'ool li k'aru eerab'ihom chalen chaq sa' xtiklajik. Wi wank sa' leech'ool li eerab'ihom chalen chaq sa' xtiklajik, texwanq ajwi' chi junelik rik'in li K'ajolb'ej ut li Yuwa'b'ej.