1 Juan 3:14 - Q'eqchi Bible

¹⁴ Laa'o naqanaw chi us naq xoo'elk sa' li kamk ut xooq'axonk sa' li yu'am, xb'aan naq naqaraheb' li qas qiitz'in. Ani ink'a' narahok, nakanaak sa' li kamk.

Li Santil hu

¹⁴ Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

1 Juan 3:14 ပူးပေါင်းရင်းမြစ်များ

1 Juan 5:2

Rik'in a'in naqanaw naq naqaraheb' li ralal xk'ajol li Yos: wi naqara li Yos ut naqapaab'eb' li xchaq'rab'.

San Juan 13:35

Rik'in a'in chixjunileb' te'nawoq re naq laa'ex intzolom: wi nekera eerib' cherib'il eerib'”.

1 Ts 4:9

Chirix li rahok ib' ink'a' na'ajmank ru naq tintz'iib'aq eerik'in xb'aan naq ak tzolb'ilex xb'aan li Yos chi xraab'al eerib' cherib'il eerib'.

San Juan 5:24

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

San Juan 15:12

A'an a'in linchaq'rab', naq chera eerib' cherib'il eerib' jo' naq xexinra laa'in.

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

Colosenses 1:4

xb'aan naq xqab'i resil naq nekepaab' li Kristo Jesus ut nekera chixjunileb' laj santil paab'anel

Efesios 1:15

Xwab'i resil naq nekepaab' li Qaawa' Jesus ut nekera chixjunileb' laj santil paab'anel.

1 Juan 5:13

Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.

San Juan 15:17

A'an a'in li nekexinchaq'rab'i wi', naq chera eerib' cherib'il eerib'.

1 Juan 2:3

A'an a'in naqanaw wi' naq naqanaw ru li Yos, wi naqapaab' eb' li xchaq'rab'.

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

Efesios 2:5

ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Salmos 16:3

A'ut eb' a'an naxik xch'ooleb' chirixeb' li yos li wankeb' sa' ruuchich'och', k'ojk'ookeb' li raanm rik'in xwankilaleb'.

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

San Lucas 15:24

Xb'aan naq li walal a'in kamenaq naq xwank ut xwakliik wi' chik chi yo'yo, kisachk ut xtawmank chaq!». Ut ke'xtikib' ninq'ehik.

Proverbios 21:16

Li naxkanab' xb'aanunkil li chaab'ilal, sa' junpaat taachalq li kamk sa' xb'een.

San Lucas 7:5

xb'aan naq naxra li qatenamit, ut a'an ajwi' kiyiib'ank re li qach'utleb'aal kab'l.