1 Juan 3:1 - Q'eqchi Bible

¹ K'ehomaq reetal, k'ajo' xnimal li qaraab'al xk'ehom qe li Yuwa'b'ej: naq ralal xk'ajol li Yos naqak'ab'a'in, ut relik chi yaal naq laa'o ajwi'. Li ruuchich'och' ink'a' naxnaw qu xb'aan naq ink'a' xnawom ru A'an.

Li Santil hu

¹ Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

1 Juan 3:1 ပူးပေါင်းရင်းမြစ်များ

San Juan 1:12

A'ut chixjunileb' li ke'k'uluk re, kixk'e reheb' wank cho'q ralal xk'ajol li Yos, a'eb' li neke'paab'ank re:

Gálatas 3:26

Xb'aan naq chejunilex ralal xk'ajolex li Yos sa' xk'ab'a' xpaab'ankil li Kristo Jesus.

2 Corintios 6:18

laa'inaq leeyuwa' ut laa'exaq li walal ink'ajol, chan li Qaawa' nim xwankil”.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

Gálatas 3:29

Ut wi rehex li Kriist, laa'ex riyajilex laj Abrahán chi jo'kanan, aj eechaninelaqex jo' chanru yeechi'inb'il chaq xb'aan li Yos.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

Colosenses 3:3

Xb'aan naq ak kamenaqex ut muqmu leeyu'am rochb'een li Kriist rik'in li Yos.

2 Samuel 7:19

Ut moko tz'aqal ta a'in cho'q aawe, at Qaawa', xb'aan naq xat-aatinak ajwi' chirix li k'aru toj chaalel sa' xb'eeneb' li walal ink'ajol li te'wanq moqon. Maa'ani nab'aanunk re li nakab'aanu laa'at, at Qaawa'.

Romanos 8:21

naq taa'ach'ab'aaq chiru xwankil li q'aak ut toxtaw li wank chi ach'ab'anb'il, a' li xnimal xloq'al eb' li ralal xk'ajol li Yos.

Jeremías 3:19

“Laa'in kinye sa' inch'ool: «Relik chi yaal naq jo'kaqat li walal ut tink'e chaweechani jun ch'ina'usil na'ajej, a' li tenamit q'axal ch'ina'us sa' xyanqeb' chixjunil li na'ajej sa' ruuchich'och'». Ut kinye ajwi' sa' inch'ool: «At inyuwa', cha'qat we; maajoq'e raj chik tatnajto'q wik'in».

Salmos 31:19

Che'memo'q taxaq eb' laj tik'ti', eb' li neke'hob'ok re li tiik xch'ool rik'in q'etq'etil ut majewank.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Deuteronomio 14:1

“Laa'ex ralal xk'ajol li Qaawa' leeYos. Ink'a' teelet'exi leetib'el chi moko teejo b'ayaq leepekem yal sa' xk'ab'a' junaq kamenaq.

San Lucas 20:36

Ink'a' chik ajwi' truuq te'kamq xb'aan naq jo'aqeb' chik li ánjel ut a'anaqeb' ralal xk'ajol li Yos, sa' xk'ab'a' naq xe'wakliik wi' chik chi yo'yo.

San Juan 11:52

ut moko ka'aj ta wi' chirix li tenamit, re aj b'an wi' xch'utub'ankil sa' junajil eb' li ralal xk'ajol li Yos li neke'cha'chotk.

San Juan 15:21

Chixjunil a'in te'xb'aanu eere inb'aan laa'in, xb'aan naq ink'a' neke'xnaw ru li kitaqlank chaq we.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

1 Juan 4:17

Rik'in a'in tz'aqal re ru li rahok qik'in: naq kawaq qach'ool sa' xkutankil li raqb'a aatin, xb'aan naq jo' chanru li xyu'am li Jesus, jo'kano ajwi' laa'o sa' li ruuchich'och' a'in.