1 Juan 2:8 - Q'eqchi Bible

⁸ Ab'anan ak' ajwi' li chaq'rab' li nintz'iib'a eerik'in (ut a'an tz'aqal yaal rik'in li Jesus ut eerik'in laa'ex), xb'aan naq li aak'ab' yo chi nume'k ut li tz'aqal saqenk ak nalemtz'unk.

Li Santil hu

⁸ Abanan chanchan acꞌ ajcuiꞌ li chakꞌrab xban nak kꞌaxal nim xcuanquil. Ut li chakꞌrab aꞌan, aꞌin nak te̱ra e̱rib che̱ribil e̱rib. Joꞌ quixba̱nu li Jesucristo, joꞌcan ajcuiꞌ takaba̱nu la̱o. Li ra̱tin li Jesucristo naxcutanobresi kanaꞌleb. Nak nakacanab li ma̱cobc, chanchan nak yo̱ chi numecꞌ li kꞌojyi̱n. Ut nak nakapa̱b li ra̱tin li Jesucristo, chanchan nak yo̱ chi cha̱lc li cutan.

1 Juan 2:8 ပူးပေါင်းရင်းမြစ်များ

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

San Juan 1:9

Li tz'aqal saqenk li naxkutanob'resi chixjunileb' yo chaq chi chalk sa' ruuchich'och'.

San Juan 12:46

Laa'in li saqenk ut xinchalk sa' ruuchich'och' re naq chixjunil li taapaab'anq we, ink'a' tkanaaq sa' li aak'ab'.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

1 Juan 4:11

Ex inrahom, wi jo'ka'in naq kooxra li Yos, laa'o ajwi' tento naq chiqara qib' chiqib'il qib'.

2 Timoteo 1:10

Li rusilal li Yos xk'utunk anaqwan rik'in li xk'utb'esinkil rib' laj Kolol qe, a' li Kristo Jesus, li xjuk'uk re xwankil li kamk ut xk'e chi lemtz'unk li junelik yu'am sa' xk'ab'a' li Chaab'il Esilal.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Salmos 36:9

Neke'xch'oolani rib' rik'in li saa'us wank sa' laawochoch; chanchan xkawil oq li nima', li sahilal nakak'e chi ruk'eb'.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Isaías 9:2

Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.