1 Juan 2:7 - Q'eqchi Bible

⁷ Ex inrahom, ink'a' nintz'iib'a eerik'in jun ak' chaq'rab', jun b'an najteril chaq'rab' li wank eerik'in chalen chaq sa' xtiklajik. Li najteril chaq'rab' a'an li Aatin li xerab'i.

Li Santil hu

⁷ Ex inherma̱n, moco toj acꞌ ta li chakꞌrab yo̱quin chixtzꞌi̱banquil e̱riqꞌuin. Aꞌin aꞌan ajcuiꞌ li chakꞌrab li quiqꞌueheꞌ chak e̱re junxil. Ac e̱rabiom chak chalen nak xepa̱b li Cristo.

1 Juan 2:7 ပူးပေါင်းရင်းမြစ်များ

Levítico 19:18

“Mat-eeqajunk raaxiik' chi moko chak'e sa' aach'ool li rahilal xb'aanuhomeb' laawech tenamitul. Chara laawas aawiitz'in, jo' naq nakara aawib' laa'at. Laa'in li Qaawa'.

1 Juan 3:11

Xb'aan naq a'an a'in li esilal xerab'i laa'ex chalen chaq sa' xtiklajik: naq chiqara qib' chiqib'il qib'.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

Deuteronomio 6:5

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

1 Juan 2:24

Jo'kan naq chiwanq sa' leech'ool li k'aru eerab'ihom chalen chaq sa' xtiklajik. Wi wank sa' leech'ool li eerab'ihom chalen chaq sa' xtiklajik, texwanq ajwi' chi junelik rik'in li K'ajolb'ej ut li Yuwa'b'ej.

San Mateo 5:43

“Eerab'ihom resil naq kiyeemank: «Taara laawas aawiitz'in ut xik' taawil li xik' na'ilok aawe».

Hechos 17:19

Ke'xchap ut ke'xk'am sa' li na'ajej Areópago xk'ab'a', ut ke'xye re: —Ma truuq tqanaw k'aru li ak' na'leb' a'in li yookat chi xk'utb'al?

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

Hebreos 6:9

Ex was wiitz'in raarookex qab'aan, us ta xqaye eere chi jo'kan, ab'an k'ojk'o qach'ool naq wankex sa' li chaab'il b'e, a' li xb'ehil li kolb'a ib'.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Juan 3:21

Ex inrahom, wi ink'a' nokooxq'us li qach'ool, relik chi yaal naq wank xkawub' qach'ool rik'in li Yos,

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.

1 Juan 4:11

Ex inrahom, wi jo'ka'in naq kooxra li Yos, laa'o ajwi' tento naq chiqara qib' chiqib'il qib'.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.