1 Juan 2:5 - Q'eqchi Bible

⁵ A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

Li Santil hu

⁵ Li ani napa̱ban re li ra̱tin li Dios, relic chi ya̱l nak naxra li Dios chi tzꞌakal. Riqꞌuin aꞌan nakanau nak la̱o reho chic li Dios.

1 Juan 2:5 ပူးပေါင်းရင်းမြစ်များ

San Juan 14:23

Kichaq'ok li Jesus ut kixye: —Ani narahok we, tixk'e xch'ool chirix li waatin; linYuwa' taarahoq re, toochalq rik'in ut tqak'ojob' qana'aj rik'in.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

1 Juan 3:24

Ani napaab'ank reheb' li xchaq'rab', nakanaak rik'in li Yos ut li Yos nakanaak rik'in. A'in naqanaw wi' naq li Yos wank qik'in chi junelik: xb'aan li Musiq'ej li xk'ehom chaq qe.

Salmos 119:2

Us xaq reheb' li neke'xpaab' li xtaqlahom ut neke'xsik' li Yos chi anchaleb' xch'ool:

Apocalipsis 14:12

Arin na'ajmank ru li xkuyumeb' li sant, a'aneb' li neke'xk'e xch'ool chirix li xchaq'rab' li Yos ut chi xpaab'aankil li Jesus.

1 Juan 5:2

Rik'in a'in naqanaw naq naqaraheb' li ralal xk'ajol li Yos: wi naqara li Yos ut naqapaab'eb' li xchaq'rab'.

San Juan 15:5

“Laa'in li xtoonal li uub'; laa'ex li ruq'. Ani nakanaak wik'in ut laa'in rik'in, a'an q'axal na'uuchink, xb'aan naq wi jachjooqex wik'in maak'a' naru teeb'aanu.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

1 Juan 4:18

Naq wank li rahok, maak'a' li xiw. Li tz'aqal rahok narisi li xiw, xb'aan naq li xiw nachalk rik'in li tojb'amaak, ut li ani toj naxiwak naraj naxye naq maji' tz'aqal re ru sa' li rahok.

Salmos 119:146

Nintz'aamank nin'elajink chawu; chinaakol, ut tinpaab' laataqlahom.

2 Corintios 5:17

Jo'kan utan, li ani wank rik'in li Kriist, a'an ak' yoob'tesinb'il chik. Ak xnume'k li k'a'aq re ru q'eel, ut ak' chik chixjunil!

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Romanos 8:1

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

Santiago 2:22

K'e reetal naq li xpaab'aal laj Abrahán yo chaq chi k'anjelak rochb'een li xb'aanuhom, ut sa' xk'ab'a' li xchaab'il b'aanuhom kitz'aqlok ru li xpaab'aal.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

San Juan 6:56

Ani natzekank re lintz'ejwal ut naruk' linkik'el, nakanaak wik'in ut laa'in rik'in.

Eclesiastés 8:5

Li naxpaab' li xtaqlahom, maak'a' li ink'a' us tixk'ul; ut li wank xna'leb' naxnaw jo'q'e ut chanru tixpaab' li chaq'rab'inb'il wi'.

Salmos 106:3

Us xaq reheb' li neke'wank sa' tiikilal, a'eb' li neke'b'aanunk li us chi junelik.

Proverbios 8:32

“Ut anaqwan, ex walal ink'ajol, ab'ihomaq li waatin. Us xaq eere wi teetzol eerib' wik'in.

Salmos 119:4

Laa'at xak'e chi nawe'k laachaq'rab' re naq taapaab'aaq chi tz'aqal re ru.

Proverbios 28:7

Li naxpaab' xchaq'rab' li Yos, a'an wank xna'leb'; ab'an li wank chi jo'maajo', a'an xxutaan li xyuwa'.

Salmos 105:45

re naq wanq sa' xch'ooleb' li xtaqlahom li Qaawa' ut junelik te'xpaab' li xloq'laj chaq'rab'. Aleluya!

1 Juan 4:17

Rik'in a'in tz'aqal re ru li rahok qik'in: naq kawaq qach'ool sa' xkutankil li raqb'a aatin, xb'aan naq jo' chanru li xyu'am li Jesus, jo'kano ajwi' laa'o sa' li ruuchich'och' a'in.

2 Juan 1:6

A'an a'in li rahok: naq choowanq jo' chanru naxye li xchaq'rab' li Yos. A'an a'in li chaq'rab' (jo' chanru eerab'ihom chalen chaq sa' xtiklajik), naq chexb'eeq sa' li rahok.