1 Juan 2:28 - Q'eqchi Bible

²⁸ Ut anaqwan, ex inkok'al, chexwanq rik'in li Kriist chi junelik re naq, jo'q'e tixk'ut rib', chiwanq xkawub' qach'ool ut ink'a' tooxutaanaq chiru, sa' li xk'ulunik.

Li Santil hu

²⁸ Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

1 Juan 2:28 ပူးပေါင်းရင်းမြစ်များ

1 Juan 4:17

Rik'in a'in tz'aqal re ru li rahok qik'in: naq kawaq qach'ool sa' xkutankil li raqb'a aatin, xb'aan naq jo' chanru li xyu'am li Jesus, jo'kano ajwi' laa'o sa' li ruuchich'och' a'in.

San Marcos 8:38

Xb'aan naq ani taaxutaanaq sa' ink'ab'a' ut xb'aaneb' li waatin chiru li tenamit a'in aj muxunel ut aj maak, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al li xYuwa' rochb'eenaqeb' chaq li santil ánjel.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

1 Juan 3:21

Ex inrahom, wi ink'a' nokooxq'us li qach'ool, relik chi yaal naq wank xkawub' qach'ool rik'in li Yos,

Colosenses 3:4

Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

1 Ts 3:13

re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

1 Juan 5:14

A'in wan wi' xkawub' qach'ool rik'in li Yos: naq A'an nokoorab'i wi wank k'aru tqatz'aama chiru jo' chanru naraj A'an.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

1 Corintios 1:7

Chi jo'kan maak'a' chik junaq usilal namajelo'k eere naq yookex chi royb'eninkil li xk'utb'esinkil rib' li Qaawa' Jesukriist.

Romanos 9:33

jo' naxye li Santil Hu: “K'ehomaq reetal, tink'e aran Sión jun li pek re tichk'ob'aal, taawanq aran jun li luktesib'aal ch'oolej. Li ani taapaab'anq re a'an, ink'a' taakaqo'q xb'aan xxutaan”.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

1 Timoteo 6:14

ye laawaatin naq chak'uula sa' laach'ool li chaq'rab' xak'ul, chi maak'a'aq aamuxul ut maak'a'aq aaq'usb'al, toj reetal tolxk'ut rib' li Qaawa' Jesukriist.

1 Ts 5:23

A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

1 Corintios 15:23

Ab'anan moko jun waklijikeb' ta, naq te'wakliiq chaq: xb'enwa li Kriist, a'an li xb'een mayej; moqon chik eb' li re li Kriist, sa' li xnimal xk'ulunik.

Malaquías 4:5

“K'ehomaq reetal. Tintaqla eerik'in li propeet Elías rub'elaj li xKutankil li Qaawa', a'an xnimal ru kutan ut q'axal xiwajel ajwi'.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

San Mateo 16:28

Relik chi yaal ninye eere naq wankeb' sa' eeyanq li ink'a' te'kamq toj reetal te'ril li K'ajolb'ej yooq chaq chi chalk sa' li xnimajwal wankilal.

San Lucas 17:30

Jo'kanaq ajwi' sa' li kutan tixk'ut wi' rib' li K'ajolb'ej.

Efesios 3:12

Qochb'een li Kriist ut rik'in xpaab'ankil A'an kaw qach'ool chi ok rik'in li Yos chi maak'a' qaxiw.