1 Juan 2:20 - Q'eqchi Bible

²⁰ A'ut laa'ex yulb'ilex xb'aan li Sant, a' li Kriist, ut chejunilex neketaw ru.

Li Santil hu

²⁰ Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

1 Juan 2:20 ပူးပေါင်းရင်းမြစ်များ

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

Salmos 23:5

Nakak'uub' jun li meex cho'q we chiruheb' li xik' neke'ilok we; ut nakayul linjolom rik'in sununkil b'an. K'ajo' naq natz'iptz'otk xsa' linsek'!

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Juan 16:13

Naq tol'elq li Musiq'ej re li yaal, a'an taak'amoq eeb'e toj sa' xjunxaqalil li yaal, xb'aan naq ink'a' taa'aatinaq yal xjunes rib', tixye b'an chixjunil li narab'i chaq ut tixk'ut cheru li k'aru chaalel.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

1 Juan 4:13

A'in naqanaw wi' naq wanko rik'in li Yos ut A'an qik'in: naq koxk'e chi tz'aqonk rik'in li xMusiq'.

Salmos 45:7

Laa'awab'ejihom k'ojk'o chi junelik, kama' li x'awab'ejihom li Yos; junelik sa' tiikilal nakat-awab'ejink.

Hechos 3:14

Laa'ex xetz'eqtaana li Sant, li Tiik xch'ool, ut a' chik xetz'aama naq chik'ehe'q eere jun aj kamsinel.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

San Marcos 1:24

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xsantil Alal li Yos, chan.

Salmos 92:10

Eb' li xik' neke'ilok aawe te'sache'q ru, ut eb' li neke'b'aanunk maa'usilal te'cha'cha'iiq ruheb'.

Salmos 71:22

Ut laa'in tinyoxinq chawu rik'in aarp; at inYos, tinb'icha xnimal laatiikilal, tinwajb'aq cho'q aawe, at xYos laj Israel.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Hebreos 8:11

Ink'a' chik aajel ru naq junaq tixtij li rech tenamitul malaj li rech'alal rik'in xyeeb'al: «Chanawaq ru li Qaawa'!». Xb'aan naq chixjunileb' te'nawoq wu, jo' kok' jo' ninq.

1 Corintios 2:15

A'ut li winq li wank xMusiq' li Yos rik'in, chixjunil naxtaw ru ut maa'ani naraqok aatin sa' xb'een.

San Lucas 4:34

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xSantil Alal li Yos, chan.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Salmos 16:10

Xb'aan naq ink'a' tinaakanab' sa' xna'ajeb' li kamenaq, chi moko taak'e chi q'aak laawamiiw.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

San Judas 1:5

Us ta ak nekenaw chixjunil a'in ut chi junwaakaj, ab'anan toj nawaj xjultikankil cheru: yookin chi aatinak chirix li Qaawa'. A'an xb'enwa kirisi chaq li xtenamit sa' xteepal Ejiipt ut moqon chik kixsacheb' li ink'a' ke'paab'ank.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.