1 Juan 2:19 - Q'eqchi Bible

¹⁹ Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

Li Santil hu

¹⁹ Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

1 Juan 2:19 ပူးပေါင်းရင်းမြစ်များ

Hechos 20:30

Sa' eeyanq ajwi' laa'ex wanqeb' winq te'wakliiq chi xyeeb'al k'a'aq re ru ink'a' us re xk'amb'aleb' laj paab'anel chirixeb'.

1 Corintios 11:19

Tento ajwi' twanq wech'ij ib' sa' eeyanq re naq chik'utunq aniheb' li tz'aqal aj paab'aneleb' sa' eeyanq.

San Judas 1:19

A'aneb' a'in li neke'yoob'ank jachok ib', aj raholeb' ru li ruuchich'och'il na'leb', ut maak'a' li Musiq'ej rik'ineb'.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Hechos 15:24

Xqab'i resil naq wankeb' sa' qayanq koxe'okaq chi xyoob'ankil jun li ch'a'ajkilal ut chi xpo'b'al eech'ool rik'ineb' li raatin. Moko laa'o ta xootaqlank reheb' a'an.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

Hebreos 10:39

Ab'anan laa'o moko jo'ko ta li neke'xiwak ut neke'xik sa' li sachleb'aal, aj paab'anelo b'an re xkolb'al li qayu'am.

2 Timoteo 2:10

Jo'kan naq nalajinkuy chixjunil sa' xk'ab'a'eb' li sik'b'ileb' ru xb'aan li Yos, re naq eb' a'an ajwi' te'xtaw li kolb'a ib' li wank rik'in li Kristo Jesus jo' ajwi' li junelik loq'al.

Romanos 9:6

Moko yookin ta chi xyeeb'al naq li xyeechi'om li Yos ink'a' kitz'aqlok ru. Moko chixjunileb' ta li ralal xk'ajol laj Isael a'aneb' li xtz'aqal tenamiteb' laj Israel,

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

2 Timoteo 3:9

Ab'an ink'a' ajwi' us taa'elq chiruheb' xb'aan naq ch'olch'ooq chiruheb' chixjunil li tenamit li xmaak'a'ileb' xna'leb', kama' ke'xk'ul li wiib'eb' a'an.

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

2 Juan 1:7

Naab'aleb' laj luktesinel ch'oolej xe'waklije'k chaq sa' ruuchich'och': eb' a'an ink'a' neke'xch'olob' naq li Jesukriist koltz'ejwalo'q. A'an a'in laj Luktesinel ch'oolej ut laj Tz'eqtaanahom re li Kriist.