1 Juan 2:16 - Q'eqchi Bible

¹⁶ Xb'aan naq chixjunil li k'a'aq re ru wank sa' ruuchich'och' (li ratawankil li naraj li tz'ejwalej, li ratawankil li naraj li xsa' uhej ut li q'etq'etil xb'aan li b'ihomal) moko rik'in ta li Yuwa'b'ej nachalk, rik'in b'an li ruuchich'och'.

Li Santil hu

¹⁶ Chixjunil li ma̱usilal cuan saꞌ ruchichꞌochꞌ moco riqꞌuin ta li Dios nachal. Li ma̱c li naxrahi ru li tzꞌejcualej ut li xrahinquil ru li cꞌaꞌak re ru nakil riqꞌuin xnakꞌ ku moco riqꞌuin ta li Dios nachal. Joꞌcan ajcuiꞌ li kꞌetkꞌetil. Chixjunil aꞌin moco riqꞌuin ta li Dios nachal; xnaꞌleb ban li ruchichꞌochꞌ.

1 Juan 2:16 ပူးပေါင်းရင်းမြစ်များ

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Gálatas 5:17

Xb'aan naq li k'aru naxrahi li musiq'ej xik' na'ile'k xb'aan li tz'ejwalej ut li naxrahi li tz'ejwalej xik' na'ile'k xb'aan li musiq'ej: eb' li wiib' a'in xik' neke'ril rib' chirib'ileb' rib', jo'kan naq laa'ex ink'a' nekeb'aanu li us li nekeraj raj xb'aanunkil.

Génesis 3:6

Toja' naq li ixq kiril naq li che' atawaal xlowb'al li ru, ch'ina'us na'ilok ut q'axal chaab'il re tawok na'leb': kixch'oq b'i' jun ru li che', kixlow ut kixk'e re li xb'eelom; ut a'an ajwi' kixlow.

Proverbios 27:20

Li kamk ut li muqleb'aal ink'a' neke'nujak; jo'kan ajwi' li winq ink'a' nak'ojlaak xch'ool rik'in li k'aru wank re: toj naxrahi ru xtz'aqob'.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

Santiago 3:15

Li na'leb' a'an moko taqe'q ta nachalk chaq, xna'leb' b'an li ruuchich'och'; maawa' xna'leb' li xMusiq' li Yos, xna'leb' b'an laj tza.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

Josué 7:21

sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

Tito 2:12

naxk'ut chiqu xtz'eqtaanankil li maa'usilal ut li narahimank ru sa' ruuchich'och', sa' xyaalal b'an chiwanq li qayu'am, sa' tiikilal ut paab'ank sa' li ruuchich'och' a'in.

Salmos 78:18

ke'xyal rix li Qaawa' sa' li xch'ooleb' naq ke'xtz'aama xwaheb' chi q'axal yo'oon.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

1 Pedro 1:14

Jo'qex li alal k'ajolb'ej neke'paab'ank, meek'e chik eech'ool chirix li xerahi chaq ru junxil naq toj wankex chaq sa' xmajelal leena'leb'.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

San Mateo 5:28

A'ut laa'in ninye eere naq chixjunil li tixka'ya junaq ixq ut tixrahi ru, ak xmux a'an sa' xch'ool.

Salmos 73:6

Jo'kan naq li q'etq'etil a'an xq'oleb', li raaxiik' a'an li aq'ej li natz'apok reheb'.

Li xHu LAJ JOB 31:1

Laa'in xinye li waatin naq ink'a' tinrahi ru eb' li tuq'ixq.

San Lucas 4:5

Chirix a'an laj tza kixk'am li Jesus taqe'q ut kixkutb'eke chiru chixjunileb' li xninqal ru tenamit li wank sa' ruuchich'och';

Gálatas 5:24

Ut eb' li reheb' li Kriist xe'xk'e chiru krus li tz'ejwalej jo' ajwi' li k'aru naxrahi ut narataw ru.

Números 11:4

Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

San Mateo 4:8

Kik'ame'k wi' chik toj sa' xb'een jun li tzuul q'axal najt xteram, ut laj tza kilajxk'ut chiru li xwankilal ut li xch'ina'usal chixjunileb' li xninqal ru tenamit li wank sa' ruuchich'och',

Salmos 78:30

Ab'an toje'aq xe'raqe'k chi nujak ut toj wank ajwi' li xtzekemq sa' reheb',

Números 11:34

Li na'ajej a'an, Kibrot-Atabá ke'xk'e cho'q xk'ab'a', xb'aan naq aran ke'xmuq li tenamit li junes wa'ak ke'xk'oxla.

Proverbios 6:25

Maak'e aawib' chi q'unb'esiik xb'aan li xch'ina'usal, chi moko chakanab' aawib' chi xb'alaq'i xb'aan li rilob'aal.

1 Corintios 10:6

Chixjunil a'an kik'ulmank jo' loq'laj eetalil cho'q qe, re naq ink'a' tqarahi ru li ink'a' us kama' naq eb' a'an ke'xrahi chaq ru.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Santiago 4:16

A'utan xnimob'resinkil chik eerib' ut xq'etq'etinkil eerib' nekeb'aanu. Chixjunil li nimob'resij ib' jo' a'in, ink'a' us.