1 Juan 2:14 - Q'eqchi Bible

¹⁴ Xintz'iib'ak eerik'in, ex inkok'al, xb'aan naq nekenaw ru li Yuwa'b'ej. Xintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Xintz'iib'ak eerik'in, ex saaj al, xb'aan naq kaw eerib' ut li Raatin li Yos xxe'eni rib' eerik'in ut xeq'ax ru li maa'us.

Li Santil hu

¹⁴ Xintzꞌi̱bac e̱riqꞌuin la̱ex yucuaꞌbej, xban nak ac xepa̱b li Dios Cꞌajolbej li cuan chalen chak najter nak toj ma̱jiꞌ naxyoꞌobtesi chak li ruchichꞌochꞌ. Xintzꞌi̱bac e̱riqꞌuin la̱ex li toj sa̱jex, xban nak cau e̱rib ut li ra̱tin li Dios nacana chi junelic e̱riqꞌuin ut xecuy xnumsinquil li a̱le̱c li naxqꞌue laj tza.

1 Juan 2:14 ပူးပေါင်းရင်းမြစ်များ

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

1 Juan 2:13

Nintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Nintz'iib'ak eerik'in, ex saaj al, xb'aan naq xeq'ax ru li maa'us.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

San Juan 8:31

Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;

San Juan 5:38

chi moko xe'eninb'il ta li raatin sa' leech'ool, xb'aan naq ink'a' nekepaab' li kitaqlaak chaq xb'aan.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

3 Juan 1:3

K'ajo' naq xsaho'k linch'ool naq xe'k'ulunk laj paab'anel ut xe'xye resil naq li yaal wank aawik'in ut chanru yookat chi b'eek sa' li yaal.

2 Juan 1:2

Nekeb'inra sa' xk'ab'a' li yaal li nawank qik'in ut taawanq qik'in chi junelik.

Hebreos 8:10

A'an a'in li Sumwank li tink'ojob' rik'ineb' li ralal xk'ajol laj Israel moqon, chirixeb' li kutan a'an, chan li Qaawa': Tink'eheb' linchaq'rab' sa' li xk'a'uxeb', ut tintz'iib'a sa' xch'ooleb'. Laa'inaq li xYoseb' ut a'anaqeb' lintenamit.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

2 Timoteo 2:1

At walal, kawaq aach'ool sa' rusilal li Kristo Jesus,

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Apocalipsis 2:3

Wank aakuyum; xakuy rahilal sa' ink'ab'a' ut ink'a' xatlub'k.

1 Juan 1:10

Wi naqaye naq ink'a' xoomaakob'k, naqak'e li Yos cho'q aj tik'ti' ut li Raatin moko wank ta qik'in.

San Juan 8:37

Ninnaw chi us naq ralal xk'ajolex laj Abrahán; ab'an nekeraj inkamsinkil xb'aan naq li waatin ink'a' naxtaw xna'aj sa' leech'ool.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,