1 Juan 2:1 - Q'eqchi Bible

¹ Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

Li Santil hu

¹ Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

1 Juan 2:1 ပူးပေါင်းရင်းမြစ်များ

1 Timoteo 2:5

Xb'aan naq jun ajwi' chi Yos, jun ajwi' li na'okenk ut na'aatinak chiqix chiru li Yos: a'an jun li winq, a' li Kristo Jesus

Romanos 8:34

Ani taak'ehoq sa' tojb'amaak? Ma li Kristo Jesus li kikamk, ab'an kiwakliik wi' chik chi yo'yo? Anaqwan a'an wank sa' xnim uq' li Yos ut na'aatinak chaq chiqix.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

1 Juan 3:18

Ex inkok'al, moorahok yal chi aatin malaj chi xtz'uumal qe, choorahoq b'an rik'in qab'aanuhom ut chi tz'aqal yaal.

1 Juan 3:7

Ex inkok'al, maa'ani chib'alaq'inq eere. Ani nab'aanunk re li tiikilal, a'an tiik xch'ool jo' li Jesus.

San Juan 8:11

Kichaq'ok a'an: —Maajun, Qaawa'. Ut li Jesus kixye re: —Chi moko laa'in tatink'e sa' tojb'amaak. Ayu ut chalen anaqwan matmaakob'k chik].

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

1 Juan 3:5

Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

Efesios 2:18

Xb'aan naq sa' xk'ab'a' li Kriist laa'o li wiib' chi tenamit wank li qokeb'aal rik'in li Yuwa'b'ej, sa' junaj chi Musiq'ej.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Ezequiel 3:21

Ab'anan, wi xaq'us li winq a'an re naq ink'a' taamaakob'q, ut a'an tixpaab' laawaatin, relik chi yaal naq taakole'q, ut xakol ajwi' laayu'am laa'at”.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

Gálatas 4:19

Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

San Juan 5:14

Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Salmos 4:4

Chenawaq naq li Qaawa' nikinxra xb'aan naq tiik linch'ool, li Qaawa' narab'i naq ninyaab'a li xk'ab'a'.

1 Juan 5:21

Ex inkok'al, chekolaq eerib' chiruheb' li yal k'oxlanb'il yos!

Santiago 3:9

Chiru a'an naqa'usilaatina li Qaawa', li Yuwa'b'ej Yos, ut chiru ajwi' a'an naqamajewaheb' li qas qiitz'in li yoob'tesinb'ileb' cho'q xjalam u li Yos.

Romanos 6:15

Yehomaq we: ma toomaakob'q xb'aan naq moko rub'el ta xwankil li Chaq'rab' wanko, rub'el b'an xwankil li rusilal li Yos? Maajoq'e b'i'an.

San Juan 13:33

“Ex walal ink'ajol, yal jun k'amok aj chik tinwanq eerik'in. Laa'ex tineesik'. Jo' xinye reheb' laj Judiiy, jo'kan ajwi' tinye eere anaqwan: B'arwi' xik we laa'in, ink'a' texruuq chi xik laa'ex.

1 Timoteo 3:14

Nintz'iib'a aawe chixjunil a'in, rik'in royb'eninkil naq chi seeb' tinxik aawik'in.

San Juan 21:5

Kixye li Jesus reheb': —Ex inkok'al, ma maak'a' kach'inaq tzekemq eerik'in? Ke'chaq'ok eb' a'an ut ke'xye: —Maak'a'.

San Juan 14:16

ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

1 Juan 5:17

Chixjunil li maa'usilal a'an maak, ab'an wank maak maawa' re kamk.

3 Juan 1:4

A'an a'in li xnimal xsahil linch'ool: naq laa'in nawab'i naq eb' li walal ink'ajol yookeb' chi b'eek sa' li yaal.