1 Juan 1:2 - Q'eqchi Bible

² xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

Li Santil hu

² Quicꞌutbesi̱c chiku li naqꞌuehoc yuꞌam. Quikil ru aꞌan. Joꞌcan nak nakachꞌolob xya̱lal che̱ru chirix aꞌan, li naqꞌuehoc yuꞌam chi junelic. Aꞌan li cuan chak riqꞌuin li Acuabej Dios. Aꞌan quixcꞌutbesi rib chiku.

1 Juan 1:2 ပူးပေါင်းရင်းမြစ်များ

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

San Juan 1:4

Rik'in wan chaq li yu'am ut li yu'am a'an chaq li xsaqenkeb' li poyanam;

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

1 Juan 5:11

Ut a'an a'in li xch'olob'ahom li Yos: naq xk'e qe li junelik yu'am ut li yu'am a'in wank rik'in li Ralal.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

1 Juan 3:5

Nekenaw naq li Jesukriist kolxk'ut rib' re risinkil li maak; nekenaw ajwi' naq A'an maak'a' xmaak.

2 Timoteo 1:10

Li rusilal li Yos xk'utunk anaqwan rik'in li xk'utb'esinkil rib' laj Kolol qe, a' li Kristo Jesus, li xjuk'uk re xwankil li kamk ut xk'e chi lemtz'unk li junelik yu'am sa' xk'ab'a' li Chaab'il Esilal.

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

San Juan 15:27

Ut laa'ex ajwi' teeye li yaal chiwix, xb'aan naq wankex wik'in chalen chaq sa' xtiklajik.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

1 Pedro 5:1

Nintz'aama chiruheb' laj k'amol b'e li wankeb' sa' eeyanq, laa'in aj k'amol b'ehin ajwi' jo'eb' a'an ut tz'aqal wilom li rahilal kixk'ul li Kriist, laa'in li xintz'aqonk sa' li nimla loq'al taak'utb'esimanq chi seeb':

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

Hechos 10:41

moko chiru ta chixjunil li tenamit, ka'aj b'an wi' chiruheb' li testiiw sik'b'ileb' ru junxilaj xb'aan li Yos, chiqu laa'o li xoowa'ak ut xoo'uk'ak rochb'een naq ak xwakliik chi yo'yo sa' xyanqeb' li kamenaq.

Hechos 5:32

Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re.

Hechos 2:32

Li Jesus a'in kiwaklesiik chi yo'yo xb'aan li Yos ut chiqajunilo laa'o qilom ut nokoo'aatinak chirix.

Hechos 1:22

chalen chaq sa' li xkub'iha' laj Jwan toj sa' li kutan naq kik'ame'k taqe'q li Jesus sa' relik qik'in, chi'okaq cho'q qech aj yehol yaal chirix li xwaklijik chi yo'yo”.

San Juan 21:14

A'in ak rox sut chi xk'utb'al rib' li Jesus chiruheb' li xtzolom, chirix li xwaklijik chi yo'yo sa' xyanqeb' li kamenaq.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 8:38

Laa'in ninye li wilom chaq rik'in li Yuwa'b'ej ut laa'ex nekeb'aanu li xerab'i rik'in leeyuwa'.

San Juan 7:29

Laa'in ninnaw ru xb'aan naq rik'in ninchalk chaq ut a'an kitaqlank chaq we.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

San Juan 19:35

Li ki'ilok re, na'aatinak chirix, ut li naxye, a'an yaal; ut naxnaw naq yaal li naxye, re naq texpaab'anq ajwi' laa'ex.

1 Juan 2:25

A'an a'in li kixyeechi'i qe li Kriist, a' li junelik yu'am.

1 Juan 4:2

A'an a'in teenaw wi' naq junaq wank li xmusiq' li Yos rik'in: chixjunil li taach'olob'anq re naq li Jesukriist koltz'ejwalo'q, wank li xmusiq' li Yos rik'in;

1 Juan 4:14

Laa'o qilom ut naqach'olob' xyaalal naq li Yuwa'b'ej kixtaqla chaq li Ralal cho'q aj Kolol re li ruuchich'och'.

1 Juan 5:13

Xintz'iib'a a'in eerik'in laa'ex li nekexpaab'ank sa' xk'ab'a' li Ralal li Yos, re naq ch'olch'ooq cheru naq wank eejunelik yu'am.