1 Corintios 8:9 - Q'eqchi Bible

⁹ Ab'anan chek'ehaq reetal: meeluktesi xch'ooleb' li toj q'uneb' sa' li paab'ank xb'aan naq neketzeka a'in.

Li Santil hu

⁹ Naru te̱tzaca li mayejanbil tzacae̱mk. Abanan cheqꞌuehak retal nak incꞌaꞌ te̱luctasi xchꞌo̱l li toj kꞌuneb xchꞌo̱l saꞌ lix pa̱ba̱leb xban nak nequetzaca aꞌan. Cheqꞌuehak retal nak incꞌaꞌ ta̱oc cuiꞌchic chi ma̱cobc e̱ban la̱ex.

1 Corintios 8:9 ပူးပေါင်းရင်းမြစ်များ

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

1 Pedro 2:16

Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

2 Pedro 2:19

Neke'xyeechi'i reheb' wank chi ach'ab'anb'il, a'ut eb' a'an wankeb' rub'el xwankil li maa'usilal, xb'aan naq relik chi yaal naq yalaq k'a' re ru nanumtaak sa' xb'een li winq, a'an eechaninb'il wi' li winq a'an.

1 Corintios 10:24

Maa'ani chixsik' li k'aru us cho'q re xjunes, a'aq b'an li us cho'q re li ras riitz'in chixsik'.

1 Corintios 10:32

Meeluktesi xch'ooleb' laj Judiiy chi moko eb' laj Griego malaj li x'Iklees li Yos,

1 Corintios 9:22

Sa' xyanqeb' li q'uneb' xch'ool chi paab'ank xink'e wib' jo' q'un linch'ool, re reechaninkileb' li q'uneb' xch'ool. Xink'e wib' chisa' chixjunil re naq yalaq chan re ru teb'inkol junjunqaq.

1 Corintios 8:12

Nekexmaakob'k chiruheb' leeras eeriitz'in li ink'a' kaweb' sa' li paab'ank, nekeluktesi xch'ooleb' ut chi jo'kan yookex chi maakob'k chiru li Kriist.

1 Corintios 8:10

Wi junaq aj paab'anel toj q'un xch'ool taa'iloq aawe li wank aana'leb', yookat chi hilank sa' meex sa' rochochil li yal k'oxlanb'il yos, ma ink'a' tab'i' taa'eek'asiiq xch'ool chi xtzekankil li k'aru mayejanb'il chiruheb' li yal k'oxlanb'il yos?

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

2 Corintios 11:21

Xutaanal cho'q we li ninye: xoowank sa' eeyanq chi tik maak'a' xkawub' qach'ool. Wi wank junaq kaw xch'ool chi xnimankil rib' (xmajelal inna'leb' ninye wi' a'in) tinnima ajwi' wib' laa'in.

1 Corintios 10:29

Ink'a' yookin chi xyeeb'al a'in chirix laak'a'uxl laa'at, chirix b'an xk'a'uxl li jun chik, xb'aan naq chan put ru naq twech'iiq wix laa'in li wankin chi ach'ab'anb'il, xb'aan jalan aj k'a'uxl?

Romanos 15:1

Laa'o li kaw qach'ool sa' li qapaab'aal tento naq tqakuy li xch'inal xpaab'aaleb' li toj q'uneb' xch'ool, ut miqasik' ka'ajwi' li k'aru nawulak chiqu.

Ezequiel 14:3

“At kaamel winq, eb' li winq a'in xe'xq'axtesi rib' chi xloq'oninkileb' li jalanil yos, ut k'ojk'o xch'ooleb' chirix li nak'amok reheb' chi maakob'k. Ma tinkanab' wib' naq tinpatz'e'q chirix li k'aru te'xb'aanu?

Isaías 57:14

Toja' naq taayeemanq: “Tuqub'omaq, tuqub'omaq ru ut tehomaq li b'e; isihomaq chixjunil li naramok re xb'e lintenamit”.

Isaías 35:3

Chikawuuq leeruq' laa'ex li lub'luukex, xaqab'omaq chi kaw li xb'een eeraq maak'a' xmetz'ew.

Levítico 19:14

“Maahob' li mem. “Maak'e xtichk'ob'aal li mutz'. Chawoxloq'i laaYos. Laa'in li Qaawa'.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Ezequiel 44:12

Xb'aan naq eb' a'an xe'k'anjelak chiruheb' li jalanil yos ut a'aneb' xe'k'amok xb'eheb' laj Israel chi maakob'k. Jo'kan naq te'xtoj rix li xmaakeb'. Laa'in, li Qaawa', xinyehok re a'in.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

2 Corintios 6:3

Maajun wa naqaluktesi xch'ool anihaq, re naq ink'a' te'xwech' rix li qak'anjel.

2 Corintios 11:29

Ani nayajerk chi ink'a' ta tinyajerq laa'in? Ani naluktaak xch'ool chi ink'a' ta taaxamnaq sa' li waanm?

Colosenses 2:8

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.