1 Corintios 8:4 - Q'eqchi Bible

⁴ Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Li Santil hu

⁴ Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

1 Corintios 8:4 ပူးပေါင်းရင်းမြစ်များ

Deuteronomio 4:39

“Jo'kan utan, wanq sa' aach'ool sa' li kutan a'in ut chak'oxla chi junelik naq li Qaawa' a'an Yos jo' sa' choxa jo' sa' ruuchich'och', ut maak'a' chik junaq chiru.

Isaías 41:24

Ab'anan moko yosex ta ut maak'a' nekex'ok wi': maak'a' k'a' ru teeb'aanu. Tz'eqtaananb'ileb' chi junajwa eb' li neke'sik'ok eere.

1 Timoteo 2:5

Xb'aan naq jun ajwi' chi Yos, jun ajwi' li na'okenk ut na'aatinak chiqix chiru li Yos: a'an jun li winq, a' li Kristo Jesus

Efesios 4:6

jun chi Yos ut jun qaYuwa' chiqajunilo, li wank sa' xb'een chixjunileb', sa' xyanq chixjunileb' ut rik'in chixjunileb'.

Deuteronomio 6:4

“Ab'i, Israel: li Qaawa', li qaYos, a'an jun ajwi' chi Qaawa'.

San Marcos 12:29

Kichaq'ok li Jesus ut kixye: —Li xb'een a'an a'in: «Ab'i, Israel: li Qaawa' li qaYos a'an li jun chi Qaawa'.

Isaías 44:24

Jo'ka'in kixye li Qaawa' laj Kolol aawe, li kisiyank chaq aawe naq toj maji' nakatyo'laak: “Laa'in li Qaawa', laa'in kinyoob'tesink re chixjunil, injunes kinhel ru li choxa ut kink'ojob' li ruuchich'och' sa' xna'aj.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

San Judas 1:25

a' li jun chi Yos aj Kolol qe, sa' xk'ab'a' li Jesukriist li Qaawa', a'an taxaq chiwanq xloq'al, li nimaak u, li x'awab'ejihom ut li xwankilal chalen chaq junxil, anaqwan ut junq'e junq'e kutan. Jo'kan taxaq.

1 Corintios 8:10

Wi junaq aj paab'anel toj q'un xch'ool taa'iloq aawe li wank aana'leb', yookat chi hilank sa' meex sa' rochochil li yal k'oxlanb'il yos, ma ink'a' tab'i' taa'eek'asiiq xch'ool chi xtzekankil li k'aru mayejanb'il chiruheb' li yal k'oxlanb'il yos?

1 Corintios 8:1

Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 45:5

Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Isaías 37:20

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li tenamit sa' ruuchich'och' naq ka'ajwi' laa'at li Qaawa', li tz'aqal Yos”.

Isaías 37:16

“At Qaawa', at Nimajwal Yos, xYosat laj Israel, li wank laak'ojarib'aal sa' xb'eeneb' li kerubín! Ka'ajwi' laa'at li xYos chixjunileb' li tenamit sa' ruuchich'och'! Laa'at katk'uub'ank re li choxach'och'!

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

Deuteronomio 4:35

“Aawe laa'at xk'e rilb'al chixjunil a'an re naq taanaw naq li Qaawa' a'an tz'aqal Yos, ut maak'a' chik junaq chiru A'an.

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

Salmos 86:10

Xb'aan naq k'ajo' xnimal aawankil: laa'at nakatb'aanunk sachb'ach'oolej; ka'jat wi' li yo'yookil Yos!

Hechos 15:20

ka'ajwi' chitz'iib'amanq rik'ineb' naq che'xkolaq rib' chiru li ko'b'eetak yumb'eetak, chiruheb' li yatz'b'il xul ut li kik'.

1 Corintios 8:11

Ut yal sa' xk'ab'a' laana'leb' taasachq li q'un xch'ool, a' li qas qiitz'in li kikamk wi' li Kriist!

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.