1 Corintios 8:3 - Q'eqchi Bible

³ Ab'anan li narahok re li Yos, a'an nawno ru xb'aan li Yos.

Li Santil hu

³ Abanan li ani narahoc re li Dios, li Dios naxnau nak aꞌan li ralal xcꞌajol.

1 Corintios 8:3 ပူးပေါင်းရင်းမြစ်များ

Éxodo 33:17

Kichaq'ok li Qaawa' ut kixye re laj Moisés: “Tinb'aanu ajwi' a'in li toja' xapatz' we, xb'aan naq usilal xataw chiwu ut k'ojk'o linch'ool chawix”.

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

1 Corintios 2:9

Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

Apocalipsis 2:19

Ninnaw laab'aanuhom, laarahom, laapaab'aal, laak'anjel ut laakuyum. Ninnaw ajwi' naq li xab'aanu sa' roso'jik q'axal chaab'il chik chiru li xab'aanu xb'enwa.

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

Jeremías 1:5

“Naq toj maji' nakatsiyaak chaq rik'in laana', laa'in ak xinsik' chaq aawu; naq toj maji' nakatyo'laak, ak santob'resinb'ilat chaq inb'aan ut ak xaqab'anb'ilat cho'q xpropeet eb' li tenamit”, chan li Yos.

San Juan 10:14

“Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

San Mateo 7:23

Toja' naq tinye reheb': «Maajun wa xinnaw eeru. Elenqex chiwu, ex aj b'aanuhom maa'usilal!».

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

1 Juan 4:19

Laa'o nokoorahok xb'aan naq A'an kooxra xb'enwa.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Éxodo 33:12

Kixye laj Moisés re li Qaawa': “Chak'e reetal. Laa'at xaye we: «Chak'am xb'eheb' li tenamit a'in»; ab'an ink'a' xak'ut chiwu ani taa'ochb'eeninq we. Xaye ajwi' naq sik'b'il wu aab'aan ut usilal xintaw chawu.

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Romanos 11:2

Li Yos ink'a' xtz'eqtaana li xtenamit li xsik'om chaq ru chi junxilaj. Malaj ink'a' nekenaw li naxye li Santil Hu chirix laj Elías, chanru naq nakoxraatina chaq li Yos re xjitb'aleb' laj Israel?

1 Reyes 3:3

Laj Salomón naxra li Qaawa' ut naxpaab' li chaq'rab' k'eeb'il re xb'aan laj David li xyuwa'. Ab'anan toj namayejak ajwi' sa'eb' li xninqal tzuul ut nak'atok chaq pom aran.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

1 Corintios 13:12

Anaqwan nokoo'ilok yal jo' sa' junaq lem moymoy ru, ab'anan sa' jun kutan toxqaka'ya li Yos jo' tz'aqal chanru na'ilok. Anaqwan kach'in ajwi' ninnaw, ab'anan sa' jun kutan toxinnaw ru, kama' naq li Yos naxnaw wu.

1 Juan 4:7

Ex inrahom, chiqara qib' chiqib'il qib' xb'aan naq li rahok rik'in li Yos chalenaq, ut chixjunil li narahok, a'an yo'lajenaq rik'in li Yos ut naxnaw ru li Yos.