1 Corintios 7:9 - Q'eqchi Bible

⁹ Ab'an wi ink'a' neke'xkuy rib', sumlaaqeb'. Jwal us naq te'sumlaaq chiru naq te'atawanq.

Li Santil hu

⁹ Ut cui incꞌaꞌ naru nequeꞌxcuy rib, sumla̱keb. Kꞌaxal us nak ta̱sumla̱k junak chiru nak yo̱k chixra̱bal ru junak re nak ta̱cua̱nk riqꞌuin chi incꞌaꞌ sumsu̱queb.

1 Corintios 7:9 ပူးပေါင်းရင်းမြစ်များ

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

1 Corintios 7:2

Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

1 Timoteo 5:11

Maak'eheb' sa' ajl li xmalka'an toj saajeb' xb'aan naq, wi te'aaleeq, te'xkanab' li Kriist ut te'raj sumlaak;

1 Corintios 7:28

Ab'anan wi tatsumlaaq, moko maak ta taab'aanu. Ut wi li ixqa'al taasumlaaq, moko maak ta a'an. Ab'anan eb' a'in rahilal te'xtaw sa' li tz'ejwalej, ut laa'in nawaj raj naq ink'a' teek'ul a'an.

1 Corintios 7:39

Li ixq, b'ak'b'o rik'in li xb'eelom a' yaal jo' najtil tyo'yooq li winq; ut wi taakamq li winq, ach'ab'anb'il chik li ixq chi sumlaak rik'in jalan chik li tixk'ul wi' xch'ool, ab'an ka'ajwi' jo' naraj li Qaawa'.

1 Corintios 7:36

Ab'an wi wank junaq winq naxk'oxla naq tento taasumlaaq rik'in li tz'aamanb'il xb'aan, xb'aan ak tz'aqal chik chi k'ame'k li ixq, xb'aanuhaq li taaraj. Moko maak ta: che'sumlaaq.

Hechos 19:36

Ch'olch'o ru a'in. Jo'kan naq us raj naq taakub'eeq eejosq'il ut mik'a' eeb'aanu chi ink'a' k'oxlanb'il rix.

1 Ts 4:4

li junjunq sa' eeyanq chixnaw wank rik'in li rixaqil sa' santilal ut loq'al,