1 Corintios 7:10 - Q'eqchi Bible

¹⁰ Reheb' li sumsuukeb' ninye a'in (moko laa'in ta nink'ehok li xtaqlankileb' a'in, a' b'an li Qaawa'): li ixaqilb'ej ink'a' chixjach rib' rik'in li xb'eelom.

Li Santil hu

¹⁰ Anakcuan tinye reheb li ac sumsu̱queb nak li ixakilbej incꞌaꞌ naru tixjach rib riqꞌuin lix be̱lom. Li chakꞌrab aꞌin ma̱cuaꞌ la̱in xinyehoc re injunes. Qꞌuebil ban xban li Ka̱cuaꞌ.

1 Corintios 7:10 ပူးပေါင်းရင်းမြစ်များ

San Mateo 5:32

A'ut laa'in ninye eere naq chixjunil li tixkanab' li rixaqil, wi ink'a' yal laq'lo rik'in, tixk'e li ixq chi xmuxb'al li xsumlajik. Ut ani taasumlaaq rik'in junaq kanab'anb'il ixq, taamuxuq sumsu.

San Lucas 16:18

“Ani tixkanab' li rixaqil ut taasumlaaq rik'in jalan chik tixmux li xsumlajik; ut li taasumlaaq rik'in junaq kanab'anb'il xb'aan li xb'eelom taamuxuq sumsu.

1 Corintios 7:15

Ab'anan wi li winq malaj li ixq maak'a' xpaab'aal naraj xjachb'al rib' rik'in li xsum'aatin, xjachaq rib': naq nak'ulmank a'an, laj paab'anel winq malaj laj paab'anel ixq moko b'ak'b'ookeb' ta chik, xb'aan naq li Yos kexb'oq re wank sa' tuqtuukil usilal.

Jeremías 3:20

Ab'anan jo' junaq ixq naxb'alaq'i li xb'eelom, jo'kan ajwi' naq xineeb'alaq'i laa'ex aj Israel -chan li Qaawa'-.

1 Corintios 7:12

Reheb' li junch'ol ninye a'in (maawa' xyehom li Qaawa', inyehom b'an laa'in): wi junaq aj paab'anel wank rixaqil maak'a' xpaab'aal ut a'in naxk'ul ru wank rik'in, mixkanab' li rixaqil.

1 Corintios 7:25

Chirixeb' li ink'a' sumsuukeb' maak'a' inchaq'rab'inkil xb'aan li Qaawa', ab'anan ninye li nink'oxla jo' winq aj paab'ajel sa' xk'ab'a' xnimal ruxtaan li Qaawa'.

1 Corintios 7:6

Ninye a'in re eerusilankil, moko re ta eetaqlankil.

1 Corintios 7:40

Ab'anan nink'oxla naq q'axal sahaq chik sa' xch'ool wi taakanaaq xjunes: a'an li na'leb' nink'e laa'in; ut nink'oxla naq laa'in ajwi' wank xMusiq' li Yos wik'in.

San Marcos 10:2

Wankeb' aj Pariseey ke'nach'ok rik'in ut ke'xpatz' re, yal re xyalb'al rix: —Ma truuq naq li winq tixkanab' li rixaqil? chankeb' re.

1 Corintios 7:11

Ut wi tixjach rib', misumlaak chik, malaj chixk'amaq wi' chik rib' sa' usilal rik'in li xb'eelom. Jo'kan ajwi' li b'eelomej mixkanab' li rixaqil.