1 Corintios 5:1 - Q'eqchi Bible

¹ Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

Li Santil hu

¹ Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

1 Corintios 5:1 ပူးပေါင်းရင်းမြစ်များ

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 2:21

Xinxaqab' xkutankil chiru re raj tixyot' xch'ool tixjal xk'a'uxl, ab'anan ink'a' naraj xjalb'al xk'a'uxl chirix li muxuk ib'.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Efesios 5:3

Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel.

Levítico 18:8

“Maamux xwankilal laayuwa' rik'in xb'atz'unlenkil li rixaqil.

Gálatas 5:19

Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank,

1 Ts 4:7

Li Yos ink'a' xooxb'oq chi wank sa' tz'ajnij ib', sa' santilal b'an wanqo.

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

1 Corintios 6:18

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

1 Corintios 6:13

Wank ajwi' neke'yehok: “Li tzekemq cho'q re li sa'ej ut li sa'ej cho'q re li tzekemq!”, ab'an li Yos tixsach chi xkab'ichaleb' a'an. Li tz'ejwalej moko re ta li ko'b'eetak ut li yumb'eetak, re b'an li Qaawa', ut li Qaawa' cho'q re li tz'ejwalej.

1 Corintios 6:9

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal,

1 Corintios 5:11

Ink'a'! Li xintz'iib'a a'an a'in: Meejunaji eerib' rik'ineb' li “qas qiitz'in” neke'xk'ab'a'in, ut a'aneb' aj ko'b'eet, aj rahinel ru b'ihomal, aj loq'oninel li yal k'oxlanb'il yos, aj majewanel, aj kalajenaq malaj aj elq'. Chi moko chexwa'aq rik'ineb' a'an!

Hechos 15:29

naq chekolaq eerib' chiru li tzekemq mayejanb'il reheb' li jalanil yos, chiru li kik', chiruheb' li yatz'b'il xul ut li ko'b'eetak yumb'eetak. Wi teekol eerib' chiru chixjunil a'in, us teeb'aanu. Cherilaq eerib'”.

Hechos 15:20

ka'ajwi' chitz'iib'amanq rik'ineb' naq che'xkolaq rib' chiru li ko'b'eetak yumb'eetak, chiruheb' li yatz'b'il xul ut li kik'.

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

2 Corintios 7:12

Relik chi yaal naq laa'in xintz'iib'ak eerik'in moko xmaak ta li ani xb'aanunk rahilal, chi moko xb'aan li xk'uluk rahilal, re b'an naq chik'utunq sa' eeyanq li qaraab'al eeb'aan, chiru li Yos.

1 Corintios 1:11

Xb'aan naq xwab'i resil rik'in xkomoneb' lix Kloe naq wank wech'ij ib' sa' eeyanq, ex was wiitz'in.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Deuteronomio 27:20

«Tz'eqtaananb'ilaq li ani taayoklaaq rik'in li rixaqil li xyuwa', xb'aan naq tixk'ut xxutaan li xyuwa'». Ut chixjunil li tenamit te'xye: «Jo'kan».

Deuteronomio 22:30

“Maajun truuq tixmaq' rixaqil li xyuwa', chi moko tixk'ut xxutaan li xyuwa'.

Ezequiel 22:10

Wankeb' li neke'xmux li rixaqil li xyuwa'eb' ut neke'wank rik'in li ixq naq yo xpuch'unik.

1 Crónicas 5:1

Eb' li ralal xk'ajol laj Rubén, a' li xb'een ralal laj Israel, a'aneb' a'in: laj Janok, laj Palú, laj Jesrón ut laj Karmí. Laj Rubén a'an tz'aqal li xb'een alalb'ej, ab'anan kixtz'eq chaq li xk'ulub' raj xk'ulb'al jo' xb'een alalb'ej, xb'aan naq kixmux li rixaqil li xyuwa', ut a'eb' chik li ralal xk'ajol laj José, ralal ajwi' laj Israel, ke'k'uluk re li k'ulub'ej a'an.

2 Samuel 20:3

Naq laj David ki'ok sa' li rochoch aran Jerusalén, kixb'oqeb' li lajeeb' chi ixq li kixkanab'eb' chi ilok kab'l, ut kixk'eheb' chi k'aak'aleek. Kixch'oolaniheb', ab'an ink'a' chik kiwank rik'ineb': ke'wank chi tz'aptz'ookeb' toj sa' li xkamik, jo'keb' xmalka'an chiru chixjunil li xyu'ameb'.

2 Samuel 16:22

Toja' naq ke'xk'e jun xmuheb'aal laj Absalón sa' xtaqeq'il li kab'l ut aran, chiruheb' chixjunileb' laj Israel, laj Absalón kiwank rik'ineb' li ixq li ke'wank rik'in li xyuwa'.

1 Samuel 2:24

Yib'ru li yookeb' chi xyeeb'al cherix, ex walal. Yookex chi xluktesinkil xch'ooleb' li xtenamit li Yos.

Levítico 20:11

“Wi junaq winq taawanq rik'in rixaqil li xyuwa', tixmux xwankil li xyuwa'. Jo'kan naq te'kamsiiq li winq ut li ixq, ut a'aneb' ajwi' wankeb' wi' naq te'kamsiiq.

Génesis 49:4

Kama'at li ha' nakatwoqxo'k. Ab'anan moko laa'ataq ta chik li nim xwankil, xb'aan naq xat-ok sa' xch'aat laayuwa' ut xamux linwarib'aal.

Génesis 37:2

Jo'ka'in naq ke'wank chaq li ralal xk'ajol laj Jakob. Wuqlaju chihab' wank re laj José ut naxk'aak'aleheb' li karneer rochb'eeneb' li ras, a'aneb' li ralal laj Jakob rik'in lix Bilhá ut xSilpá. Ab'an li saaj al naxye re li xyuwa' li ink'a' us li nayeemank chirixeb' li ras.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

2 Corintios 2:5

Wi ani xk'ehok rahil ch'oolej, moko laa'in ta xinxrahob'tesi, laa'ex b'an xexrahob'resiik chejunilex. Ab'an yookin chi xk'eeb'al reetal re naq ink'a' tink'e xb'een li aatin.