1 Corintios 4:6 - Q'eqchi Bible

⁶ Ex was wiitz'in, chixjunil li xinye, chirix laj Apolo ut chiwix re eetenq'ankil naq xinye, re naq teetzol eerib' qik'in chirix xyaalal li aatin a'in: “Meeq'ax ru li ak tz'iib'anb'il”. Maa'ani chixnimob'resi rib' chirix junaq ut tixtz'eqtaana li jun chik,

Li Santil hu

⁶ Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

1 Corintios 4:6 ပူးပေါင်းရင်းမြစ်များ

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

2 Corintios 12:19

Mare ak junxil xex'ok chi xk'oxlankil naq yooko chi xpatz'b'al qakuyb'al cheru. Ab'anan moko jo'kan ta: nokoo'aatinak chiru li Yos sa' xk'ab'a' li Kriist. Ut chixjunil a'in, ex was wiitz'in raarookex inb'aan, yal re xkab'lankil leekomonil naq ninye.

2 Corintios 12:6

Wi ta twaj xnimankil wib', moko maak'a'aq ta raj inna'leb', xb'aan naq tinye raj li yaal. Ab'anan ink'a' tinb'aanu: mare anchal ani junaq tixk'oxla naq laa'in q'axal nim inwankil chiru li b'arwan naril malaj narab'i chiwix.

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

2 Corintios 10:7

K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.

2 Corintios 4:15

Ut chixjunil a'in re eeraab'al laa'ex, re naq taanumtaaq li rusilal li Yos rik'ineb' naab'al chi poyanam, ut chi jo'kan q'axal chik taak'ihanq li yoxink, cho'q re xnimal xloq'al li Yos.

1 Corintios 8:1

Anaqwan too'aatinaq chirix li k'aru mayejanb'il chiruheb' li yal k'oxlanb'il yos. Yaal ajwi' naq “wank qak'a'uxl chiqajunilo”. Ab'an rik'in li xnimal nawok naq'etq'eto'k li winq; ka'ajwi' li rahok nakab'lank re li komonil.

1 Corintios 5:6

Maak'a' xyaalal li xnimob'resinkil eerib'! Ma ink'a' nekenaw naq kach'inaq xyu li q'em naxsipob'resi chixjunil?

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

2 Timoteo 2:10

Jo'kan naq nalajinkuy chixjunil sa' xk'ab'a'eb' li sik'b'ileb' ru xb'aan li Yos, re naq eb' a'an ajwi' te'xtaw li kolb'a ib' li wank rik'in li Kristo Jesus jo' ajwi' li junelik loq'al.

2 Corintios 10:15

Ink'a' naqanima qu chi numtajenaq rik'in li k'anjel xe'xb'aanu li junch'ol chik; naqoyb'eni b'an naq rik'in xk'iijik leepaab'aal, rajlal toonimanq sa' eeyanq jo' chanru raqb'il sa' qab'een.

2 Corintios 10:12

Relik chi yaal laa'o ink'a' naqaj xjuntaq'eetankil qib' chi moko xb'isb'al qib' rik'ineb' li neke'xnimob'resi rib'. Eb' a'an maak'a'eb' xna'leb': neke'xb'is rib' chirib'ileb' rib' jo'wi' neke'xjuntaq'eeta rib' rik'in li xna'leb'eb' xjuneseb' rib'.

1 Corintios 13:4

Li rahok wank xkuyum sa' chixjunil; a'an chaab'il. Li rahok ink'a' nakaqalik, ink'a' naxk'e xwankil xjunes, ink'a' naxq'etq'eti rib',

1 Corintios 9:23

Ut chixjunil a'in nalajinb'aanu sa' xk'ab'a' li Chaab'il Esilal, re naq toxintz'aqonq rik'in li xyeechi'om.

1 Corintios 5:2

Ut laa'ex toj nekeq'etq'eti eerib'! Ma ink'a' us naq xraho'k raj leech'ool ut xerisi raj sa' eeyanq li xb'aanunk re a'an?

1 Corintios 3:21

Jo'kan utan, maa'ani chixnimob'resi rib' sa' xk'ab'a'eb' li winq, xb'aan naq chixjunil li k'a'aq re ru eere laa'ex:

1 Corintios 1:31

re naq, kama' tz'iib'anb'il sa' li Santil Hu: “Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

1 Corintios 1:19

Tz'iib'anb'il sa' li Santil Hu: “Tinpo' xna'leb'eb' li wankeb' xna'leb' ut tintz'eqtaana xk'a'uxl li seeb'eb' xch'ool”.

1 Corintios 1:12

Nawaj xyeeb'al naq wankeb' sa' eeyanq li neke'xye: “Laa'in rehin laj Pablo”; ut wank neke'xye: “Laa'in rehin laj Apolo”. Wankeb' ajwi' neke'yehok: “Laa'in rehin laj Sefas” malaj “Laa'in rehin li Kriist”.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Salmos 146:3

Meesik' xk'ojob'ankil eech'ool rik'ineb' li xninqal ru winq: a'an yal winqeb', ut ink'a' naru texkole'q xb'aaneb'.

Salmos 8:4

Naq ninka'ya li choxa yiib'anb'il aab'aan, li po ut li chahim k'ojob'anb'ileb' sa' xna'aj,

Hechos 18:24

Kiwulak aran Éfeso jun aj judiiy, aj Apolo xk'ab'a', yo'lajenaq Alejandría, chaab'il na'aatinak ut naxnaw chi us xsa' li Santil Hu.

Hechos 19:1

Naq laj Apolo toj wan chaq Korinto, laj Pablo kinume'k sa'eb' li na'ajej wankeb' chi tzuul, ut kiwulak Éfeso. Wankeb' aj paab'anel kixtaweb' aran, ut kixpatz' reheb':

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.