1 Corintios 4:2 - Q'eqchi Bible

² Li na'ajmank ru rik'ineb' laj k'anjel, a'an naq tiikaqeb' xch'ool.

Li Santil hu

² Li ani sicꞌbil ru chixchꞌolobanquil lix ya̱lal tento nak ti̱cak xchꞌo̱l.

1 Corintios 4:2 ပူးပေါင်းရင်းမြစ်များ

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

San Mateo 25:23

Ut laj eechal re kixye re: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Proverbios 13:17

Laj yehol esil li ink'a' us xna'leb' nayoob'ank raaxiik'; ab'an wi tiik xch'ool laataql, nakatrisi sa' li ch'a'ajkilal.

Números 12:7

Ab'an moko jo'kan ta ninb'aanu re laj Moisés laj k'anjel chiwu; chixjunil lintenamit q'axtesinb'il re.

Colosenses 4:17

Cheye re laj Arkipo: “Chak'e sa' aach'ool li k'anjel kik'ehe'k aawe sa' xk'ab'a' li Qaawa', ut chayal aaq'e chi xb'aanunkil chi us”.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Colosenses 1:7

Jo'ka'in naq kextzole'k xb'aan laj Epafras, li qochb'een chi k'anjelak raaro qab'aan ut chaab'il aj k'anjel chiru li Kriist sa' eek'ab'a' laa'ex.

1 Corintios 7:25

Chirixeb' li ink'a' sumsuukeb' maak'a' inchaq'rab'inkil xb'aan li Qaawa', ab'anan ninye li nink'oxla jo' winq aj paab'ajel sa' xk'ab'a' xnimal ruxtaan li Qaawa'.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

Colosenses 4:7

Laj Tíkiko, li wiitz'in raaro inb'aan, chaab'il aj k'anjel ut wech moosil chiru li Qaawa', tixk'e chenaw chixjunil li yookin chi xb'aanunkil.

1 Corintios 4:17

A'in tz'aqal aj e naq xintaqla eerik'in laj Timoteo, linraarookil alal ut tiik xch'ool chi xpaab'ankil li Qaawa'. A'an tixjultika eere li xb'e li Kriist li nintaaqe laa'in, jo' chanru ninch'olob' yalaq b'ar, sa' li junjunq chi Iklees.

2 Reyes 12:15

Ink'a' natz'ilmank rix li tumin naq'axtesimank reheb' li neke'k'uluk re chi xtojb'aleb' laj k'anjel, xb'aan naq tiikeb' xch'ool.

2 Reyes 22:7

Ab'anan ink'a' chitz'ilmanq rix li tumin q'axtesinb'il reheb', xb'aan naq jwal tiikeb' xch'ool eb' laj k'anjel a'an”.

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

1 Corintios 4:3

Ab'anan laa'in maak'a' nawaj wi' naq yooqex chi xwech'inkil wix, malaj naq taatz'ilmanq aatin chiwix sa' junaq raqleb'aal aatin. Chi moko ninwech' wib' injunes!