1 Corintios 4:12 - Q'eqchi Bible

¹² Naqatawasi qib' chi k'anjelak rik'in quq'. Nokoohe'xhob', ut naqusilaheb'. Nokoohe'xsik' re qarahob'tesinkil, ut naqakuy.

Li Santil hu

¹² Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

1 Corintios 4:12 ပူးပေါင်းရင်းမြစ်များ

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

Romanos 12:14

Chetz'aama rusilal li Yos sa' xb'eeneb' li xik' neke'ilok eere; cherusilaheb' ut meemajewaheb'.

Romanos 12:20

Jo'kan naq “wi taatz'okaaq li xik' na'ilok aawe, k'e chi wa'ak; wi taachaqiq re, k'e chi uk'ak. Rik'in xb'aanunkil a'in taachalq xxutaan aab'aan”.

Hechos 18:3

ut kikanaak rik'ineb', yo chi k'anjelak aran, xb'aan naq junajeb' ajwi' li xk'anjeleb'. Li xk'anjeleb' a'an yiib'ank muheb'aal rik'in tz'uum.

San Lucas 6:28

Chetz'aama usilal sa' xb'eeneb' li neke'maa'usilank eere, chextijoq chirixeb' li neke'q'ab'ank eere.

1 Pedro 3:14

Ab'anan, us ta teek'ul rahilal sa' xk'ab'a' li tiikilal, us xaq eere. Meexiwa ru anihaq ut ink'a' chi'ok leek'a'uxl.

1 Pedro 2:23

Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

San Judas 1:9

Li arkánjel Miguel, naq yo chaq chi xyalb'al xmetz'ew rik'in laj tza, naq ke'xwech'i rib' chirix li xch'och'el xsululel laj Moisés, ink'a' kixyal xraqb'al aatin sa' xb'een chi majewanb'il, ka'aj b'an wi' kixye: “Li Qaawa' chirahob'tesinq aawe”, chan.

1 Timoteo 4:10

A'in aj e naq yooko chi xtawasinkil qib' chi yalyo qaq'e, xb'aan naq wank qasahil oyb'enihom rik'in li yo'yookil Yos, a'an laj Kolol re chixjunileb' ut xb'een xb'een reheb' laj paab'anel.

2 Ts 3:8

chi moko xoowa'ak chi maatan rik'in anihaq, xqatawasi b'an qib' chi k'anjelak chi q'eq ut chi kutan, a' xqaj naq maa'ani xqach'i'ch'i'i sa' eeyanq.

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

1 Corintios 9:6

Ma ka'aj tab'i' laa'in ut laj Bernabé tento took'anjelaq chi kaw re xsik'b'al qatzekemq?

Hechos 20:34

Laa'ex nekenaw naq eb' li wuq' a'in xe'k'anjelak naq xinwank sa' rajb'al ru jo'wi' xe'k'anjelak cho'q reheb' li wochb'een.

1 Pedro 4:19

Jo'kan utan, eb' li yookeb' chi xk'ulb'al rahilal jo' chanru naraj li Yos, che'xb'aanuuq li us ut che'xq'axtesiiq li raanm sa' ruq' laj Yoob'tesinel tiik xch'ool.

Romanos 8:35

Ani taajachoq qe rik'in li xrahom li Kriist? Ma li rahilal, li ch'a'ajkilal, li rahob'tesiik, li we'ej, li t'usam, li xiik'ilal malaj li kamsiik?

2 Corintios 11:8

Xinmaq' li k'aru reheb' li Iklees junch'ol ut xink'ul linq'axb'a kutan, re tink'anjelaq cheru.

Efesios 4:28

Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.