1 Corintios 4:10 - Q'eqchi Bible

¹⁰ Laa'o maak'a' qana'leb' sa' xk'ab'a' li Kriist, ut laa'ex wank eena'leb' rik'in li Kriist. Laa'o maak'a' qametz'ew, ut laa'ex kaw eerib'. Laa'ex nim eeloq'al, ut laa'o tz'eqtaananb'ilo.

Li Santil hu

¹⁰ La̱ex nequecꞌoxla nak ma̱cꞌaꞌ kanaꞌleb xban nak nakachꞌolob resil li Cristo ut la̱ex cuan e̱naꞌleb xban nak nequenau nabal chirix li Cristo nak nequecꞌoxla. La̱o ma̱cꞌaꞌ kacuanquil ut la̱ex cuan e̱cuanquil nak nequecꞌoxla. Saꞌ e̱chꞌo̱l la̱ex nak la̱ex nequex-oxlokꞌi̱c ut la̱o tzꞌekta̱nanbilo.

1 Corintios 4:10 ပူးပေါင်းရင်းမြစ်များ

1 Corintios 2:3

Xinwulak sa' eeyanq chi maak'a' inmetz'ew, chi yook inxiw ut ninsiksotk.

Hechos 26:24

Naq yo laj Pablo chi aatinak chi jo'kan re xkolb'al rib', laj Festo kixjap re chi xyeeb'al: —Wax aawu, a Pablo. Li k'iila tzolok xsachok aana'leb'.

Hechos 17:18

Wankeb' ajwi' aj nahonel xninqal ru k'a'uxl, xkomoneb' laj Epikuro ut eb' laj Estoiko, ke'ok chi wech'ink rik'in. Wan ke'yehok: —K'a' anchal taaraj xyeeb'al laj b'ayol rib' a'an? Wankeb' wi' chik neke'yehok: —Mare a'an jun li na'aatinak chirixeb' jalanil yos. Ke'xye chi jo'kan xb'aan naq laj Pablo naxye resil li Jesus jo' ajwi' resil li xwaklijik wi' chik chi yo'yo.

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.

2 Corintios 13:9

ut nasaho'k qach'ool naq laa'o maak'a' qametz'ew ut laa'ex kaw eerib'. A'an a'in li naqatz'aama chiru li Yos: naq tz'aqalaq re ru leepaab'aal.

1 Corintios 3:18

Maa'ani chixb'alaq'i rib'! Wi wan junaq sa' eeyanq nareek'a naq wank xna'leb' sa' li ruuchich'och' a'in, chixb'aanuhaq rib' jo' li maak'a' naxnaw re naq tixtaw xna'leb'.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

2 Corintios 11:29

Ani nayajerk chi ink'a' ta tinyajerq laa'in? Ani naluktaak xch'ool chi ink'a' ta taaxamnaq sa' li waanm?

2 Corintios 11:19

Chi sa sa' eech'ool nekekuy li maak'a'eb' xna'leb', laa'ex li wank eena'leb'!

2 Corintios 10:10

Wankeb' neke'yehok re: “Li xhu relik chi yaal naq kaw na'aatinak ut nataqlank, ab'an toq'ob'aal ru laj Pablo naq wank sa' qayanq, ut li raatin tz'eqb'eetal”.

1 Corintios 10:12

Jo'kan utan, li naxk'oxla naq kaw xaqxo, chirilaq rib' mit'ane'k.

1 Corintios 4:8

Ak xexnujak! Ak xexb'ihomo'k! Xex'ok chi awab'ejink chi ink'a' xexqatenq'a laa'o! Us rajan naq ak ta xex'ok chi awab'ejink re naq laa'o ajwi' too'awab'ejinq eerochb'een!

1 Corintios 3:2

Leech xink'e cheruk', ut ink'a' kawil tzekemq li toj maji' xexru chi xkuyb'al xtzekankil. Chi moko anaqwan ajwi' teekuy,

1 Corintios 2:14

Li winq li maak'a' xMusiq' li Yos rik'in moko naxk'ulub'an ta li k'aru nachalk rik'in xMusiq' li Yos; memil na'leb' b'an cho'q re. Ut ink'a' naruhank chi xnawb'al a'an, xb'aan naq ka'ajwi' rik'in li Musiq'ej naru xtawb'al xyaalal.

Hechos 17:32

Naq ke'rab'i chi aatinak chirix li xwaklijikeb' li kamenaq, wankeb' ke'ok chi xse'enkil laj Pablo; wankeb' chik ke'yehok: —Toj sa' jun sut chik tatqab'ihaq chi aatinak chirix a'an.

Hechos 9:16

Ut laa'in tink'ut chiru jo'ch'inal jo'nimal tento tixkuy sa' ink'ab'a'”.

San Lucas 18:9

Kixye ajwi' li jaljookil ru aatin a'in reheb' li neke'xk'oxla rib' naq tiikeb' xch'ool ut neke'xtz'eqtaanaheb' li junch'ol chik:

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

San Mateo 24:9

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

Proverbios 11:12

Li maak'a' xna'leb' na'aatinak chirix li ramiiw; a'ut li chaab'il xk'a'uxl nakanaak chi ch'anch'o.

2 Reyes 9:11

Ut naq laj Jehú koho wi' chik wankeb' wi' laj k'anjel chiru li awab'ej, eb' a'in ke'xpatz' re: “K'aru xk'ulmank? K'aru xk'ulunk wi' li kaan ru a'an?”, chankeb'. Kixye laj Jehú: “Laa'ex ak nekenaw ru li winq a'an ut chanru na'aatinak”.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

1 Corintios 1:25

Xb'aan naq li xmemil li Yos a'an xnimal na'leb' chiru li xna'leb'eb' li winq, ut li xmajelal xkawilal li Yos a'an q'axal chik kaw chiru li xkawilaleb' li winq.

2 Corintios 6:8

Wan naq naterq'usiik qawankil ut wan naq nokootz'eqtaanaak; wan naq nokooq'ab'aak ut wan naq chaab'il nayehe'k chiqix. Neke'xye naq aj b'alaq'o, ab'an naqaye li yaal;

2 Corintios 4:12

Jo'kan naq li kamk wank xwankil sa' qab'een, ut sa' eeb'een laa'ex a' li yu'am.