1 Corintios 3:3 - Q'eqchi Bible

³ xb'aan naq toj q'un leech'ool chi paab'ank. Naq toj wanq sa' eeyanq li kaqalik ut li wech'ij ib', ma ink'a' tab'i' yaal naq toj nekexk'oxlak ut nekexk'anjelak jo'kex li winq junch'ol?

Li Santil hu

³ Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

1 Corintios 3:3 ပူးပေါင်းရင်းမြစ်များ

Santiago 3:16

B'ar nawank li kaqalik ut wech'ink, aran wank li po'ok ib' ut yalaq k'a' chik chi maa'usilal.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Gálatas 5:15

Chek'ehaq reetal, wi neketiw eerib' ut neket'upihatq eerib' cherib'il eerib', toxeekamsi eerib' cherib'il eerib'!

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

1 Corintios 11:18

Li xb'een ninye eere a'an a'in: xwab'i resil naq wank jachok ib' sa' eeyanq naq nekech'utub' eerib' sa' leeloq'laj ch'utam. Laa'in nink'oxla naq yaal ajwi' b'ayaq chixjunil a'in.

1 Corintios 1:11

Xb'aan naq xwab'i resil rik'in xkomoneb' lix Kloe naq wank wech'ij ib' sa' eeyanq, ex was wiitz'in.

Romanos 13:13

Wanqo sa' xyaalal jo' sa' kutan saqenk, chi maak'a'aq numwa'ak ut kalaak, chi moko ko'b'eetak yumb'eetak ut yib' aj na'leb', chi maak'a'aq raaxiik' ut kaqalink.

1 Pedro 4:2

re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

1 Corintios 1:10

Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

1 Corintios 3:4

Naq naxye junaq: “Laa'in rehin laj Pablo”, ut wan wi' chik nayehok: “Laa'in rehin laj Apolo”, ma ink'a' yookex chi xb'aanunkil jo' naxye xna'leb' li ruuchich'och'?