1 Corintios 2:6 - Q'eqchi Bible

⁶ Yaal ajwi' naq sa' xyanqeb' li ak kaweb' sa' li paab'ank nokooch'olob'ank xninqal ru na'leb', ab'an maawa' xna'leb' li ruuchich'och' a'in chi moko xna'leb'eb' li neke'taqlank sa' ruuchich'och', li ak yo chi sachk xwankileb'.

Li Santil hu

⁶ Li ac cauheb xchꞌo̱l saꞌ lix pa̱ba̱leb, nequeꞌka̱tina riqꞌuin a̱tin moco yalak ani ta ta̱taꞌok ru. Aꞌin ma̱cuaꞌ xnaꞌleb li ruchichꞌochꞌ chi moco xnaꞌlebeb li nequeꞌtaklan saꞌ ruchichꞌochꞌ. Lix naꞌlebeb na-osoꞌ joꞌ nak nequeꞌosoꞌ eb aꞌan.

1 Corintios 2:6 ပူးပေါင်းရင်းမြစ်များ

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Santiago 3:15

Li na'leb' a'an moko taqe'q ta nachalk chaq, xna'leb' b'an li ruuchich'och'; maawa' xna'leb' li xMusiq' li Yos, xna'leb' b'an laj tza.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

1 Corintios 2:8

Maajun sa' xyanqeb' li neke'taqlank sa' li ruuchich'och' a'in ke'xtaw ru li na'leb' a'in, xb'aan naq wi ta ke'xtaw ru, ink'a' raj ke'xk'e chiru krus li Qaawa', laj Eechal re li loq'al.

1 Corintios 1:28

Li k'aru kub'enaq xwankil sa' xk'ab'a' li xyo'lajik ut tz'eqtaananb'il xb'aan li ruuchich'och' kisik'e'k ru xb'aan li Yos: li moko a'an ta kisik'e'k ru, re xjuk'b'al xwankil li k'a' re ru wank,

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Salmos 33:10

Li Qaawa' naxpo' li xk'uub'ahomeb' li xninqal ru tenamit, ut naxk'e chi maak'a' na'ok wi' li xk'a'uxeb' li poyanam.

Li xHu LAJ JOB 12:21

Naxk'eheb' chi tz'eqtaanaak eb' laj jolominel, ut eb' li kaweb' rib' te'kanaaq chi maak'a' chik xmetz'eweb'.

Li xHu LAJ JOB 12:19

Naxkub'si xwankileb' laj tij ut naxsach ruheb' li ninqeb' xloq'al.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Santiago 3:2

Chiqajunilo naab'al sut nokoot'ane'k. Wi wank junaq ink'a' nat'ane'k rik'in raatin, a'an jun li winq tz'aqal re ru; taaruhanq ajwi' chi xb'eresinkil li xjunxaqalil.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

1 Corintios 2:13

A'in tz'aqal li nokoo'aatinak wi', ink'a' rik'in aatin tzolb'il rik'in xna'leb' li ruuchich'och', rik'in b'an li aatin xqatzol rik'in li Musiq'ej: yooko chi xch'olob'ankil li k'a' re ru re li Musiq'ej, rik'in li aatin k'utb'il xb'aan li Musiq'ej.

1 Corintios 2:1

Ex was wiitz'in, naq xinwulak sa' eeyanq, ink'a' xinwulak chi xpuktesinkil eere li xChaab'il Esil li Yos rik'in xninqal ru aatin malaj rik'in xninqal ru na'leb',

San Lucas 16:8

“Laj eechal junkab'lal kixnima ru li mertoom ink'a' tiik xch'ool, xb'aan naq kiwank xna'leb' rik'in li kixb'aanu. Xb'aan naq eb' li ralal xk'ajol li ruuchich'och' a'in q'axal wankeb' xna'leb' chirib'ileb' rib' chiruheb' li ralal xk'ajol li saqenk.

San Mateo 19:21

Kichaq'ok li Jesus ut kixye: —Wi taawaj naq tz'aqalaq aawe aawu, ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

Isaías 40:23

Li Qaawa' naxjuk' xwankileb' li xninqal ru winq, ut eb' li neke'awab'ejink sa' ruuchich'och' naxsacheb' ru.

Salmos 37:37

Il li tiik xch'ool ut k'e reetal li chaab'il xna'leb': ani nawank sa' tuqtuukilal, te'wanq ralal xk'ajol;

Salmos 146:4

Te'elq xmusiq', ut ch'och' te'sutq'iiq wi': sa' ajwi' li kutan a'an taaraqe'q chixjunil li xk'uub'ahomeb'.

1 Corintios 3:1

Ex was wiitz'in, laa'in ink'a' xinru cheraatinankil jo' aj paab'anel wank tz'aqal li Musiq'ej rik'ineb', xexwaatina b'an jo' li toj q'uneb' xch'ool, toj k'uula'alex chi xpaab'ankil li Kriist.

1 Corintios 12:8

Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;

2 Corintios 4:3

Ut wi toj tz'aptz'o ru li Chaab'il Esilal naqapuktesi laa'o, tz'aptz'o ru cho'q reheb' li yookeb' chi sachk,

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Hebreos 6:1

Jo'kan utan, qakanab'aq xk'oxlankil li xb'een tzolok chirix li Kriist, ut q'axonqo chi xk'oxlankil li tz'aqal re ru. Miqak'e chik li rub'elankil li qapaab'aal, a' li yot'b'ach'oolej jalb'ak'a'uxl chirix li kamenaqil k'anjel jo'wi' chirix li xpaab'ankil li Yos;