1 Corintios 15:3 - Q'eqchi Bible

³ Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;

Li Santil hu

³ Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.

1 Corintios 15:3 ပူးပေါင်းရင်းမြစ်များ

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

Gálatas 1:12

xb'aan naq moko xwab'i ta chi moko xintzol rik'in junaq winq, a' b'an li Jesukriist kik'utuk re chiwu.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Romanos 4:25

A'in kiq'axtesiik xb'aan li qamaak ut kiwaklesiik wi' chik chi yo'yo re xtiikob'resinkil li qach'ool.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

1 Corintios 11:23

Xb'aan naq li xink'ul laa'in rik'in li Qaawa', a'an ajwi' li xink'ut cheru: naq li Qaawa' Jesus, chiru li q'oqyink yo wi' chi q'axtesiik, kixchap li wa,

Hechos 3:18

Ab'anan li Yos xk'e chi tz'aqlok ru li k'aru kixyeechi'i chaq chi xtz'uumal reheb' chixjunil li propeet, naq li xKriist tixk'ul rahilal.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

1 Pedro 1:11

Ke'xyal xq'e chi xtawb'al xyaalal jo'q'e xq'ehil ut xhonal taak'ulmanq li yo chaq chi k'utb'esiik chiruheb' xb'aan li xMusiq' li Kriist: xb'aan naq li Musiq'ej wan chaq rik'ineb', ut kixye chi junxilaj li rahilal tixkuy li Kriist jo'wi' li xnimal xloq'al tixk'ul toj moqon.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Romanos 3:25

A'in kixaqab'aak xb'aan li Yos cho'q aj k'ehol uxtaan sa' xk'ab'a' li xkik'el, cho'q reheb' li wankeb' xpaab'aal. Chi jo'kan li Yos naxk'ut li xtiikilal xch'ool. Sa'eb' li kutan ke'numje'k, sa' xq'ehil li xnimal xkuyum, li Yos ink'a' kixk'e sa' ajl li xmaakeb' li tenamit,

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Hebreos 5:3

A'an rajb'al naq tento taamayejaq chirix xmaakeb' li tenamit jo' ajwi' chirix li xmaak xjunes rib'.

Hebreos 5:1

Xb'aan naq chixjunil xyuwa'il aj tij a'an sik'b'il ru sa' xyanqeb' li winq ut xaqab'anb'il xk'anjel chiru li Yos chirixeb' li winq re yeechi'ink ut k'atok mayej chirixeb' li maak.

1 Corintios 11:2

Ninnima eeru xb'aan naq ninjultiko'k eere chi junelik ut nekek'uula sa' eech'ool leetzolb'al jo' naq xink'ut cheru.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

San Lucas 24:25

Toja' naq li Jesus kixye reheb': —Laa'ex tik maak'a' eena'leb' ut aal leech'ool chi xpaab'ankil chixjunil li ke'xye eb' li propeet!

Hechos 8:32

Li xraqalil li Santil Hu li yo chi rilb'al a'an a'in: “Kik'ame'k chi kamsiik jo' junaq karneer. Jo' junaq ch'ina karneer, mem chiru laj b'esol re li rix, jo'kan ajwi' a'an ink'a' kixte li xtz'uumal re.

Hechos 17:2

Laj Pablo ki'ok rik'ineb' jo' k'aynaq xb'aanunkil, ut chiru oxib' sábado kikanaak chi xtz'ilinkil rix li paab'aal rik'ineb': naxchap li k'aru naxye li Santil Hu,