1 Corintios 15:2 - Q'eqchi Bible

² Xb'aan ajwi' a'an kolb'ilex, wi nekek'uula sa' leech'ool jo' chanru xinpuktesi cheru. Wi ut ink'a', maak'a' rajb'al naq xex'ok chi paab'ank.

Li Santil hu

² Aꞌan aꞌin lix ya̱lal li xinchꞌolob che̱ru, li xexcoleꞌ cuiꞌ. La̱ex colbilex chic cui nequexpa̱ban chi tzꞌakal ut incꞌaꞌ nequecanab xpa̱banquil. Abanan cui incꞌaꞌ nequepa̱b chi anchal e̱chꞌo̱l, ma̱cꞌaꞌ rajbal nak xexpa̱ban.

1 Corintios 15:2 ပူးပေါင်းရင်းမြစ်များ

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

Hebreos 2:1

Jo'kan utan, tento naq q'axal chik tqak'e qach'ool chirix li k'aru xqab'i, re naq ink'a' toosachq.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Efesios 2:8

Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Santiago 2:26

Jo' naq li tz'ejwalej chi maak'a' xmusiq', a'an kamenaq; jo'kan ajwi' li paab'aal chi maak'a' xb'aanuhom, kamenaq.

Santiago 2:14

Ex was wiitz'in, k'a' ta taa'ok wi' naq tixye junaq: “Wank inpaab'aal”, ut maak'a' xchaab'il b'aanuhom? Ma taakole'q tab'i' xb'aan li xpaab'aal?

Hebreos 10:23

Qachapaq qib' chi kaw rik'in li qoyb'enihom li naqach'olob', xb'aan naq li Yos naxk'e li b'arwan naxyeechi'i.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

Santiago 2:17

Jo'kan ajwi' li paab'aal, wi maak'a' xb'aanuhom, relik chi yaal a'an kamenaq.

Hebreos 4:14

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

2 Ts 2:15

Jo'kan utan, ex qas qiitz'in, kaw xaqxooqex ut meekanab' xpaab'ankil leetijb'al eek'ulum qik'in jo' chi aatin jo' chi tz'iib'anb'il chiru hu.

Gálatas 3:4

Maak'a' aj e naq xek'ul chixjunil a'an! Ab'anan moko yaal ta naq maak'a' aj e.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

Proverbios 4:13

Chap aawib' chi kaw rik'in li nink'ut chawu, ut maawach'ab' chik; k'uula sa' laach'ool xb'aan naq a'an laayu'am.

Proverbios 3:1

At walal ink'ajol, misachk sa' laach'ool link'utum ut k'uula sa' laawaanm linchaq'rab';

2 Corintios 2:15

Xb'aan naq laa'o kama'o xsununkil li Kriist chiru li Yos, sa' xyanqeb' li wankeb' sa' xb'e li kolb'a ib' jo'wi' sa' xyanqeb' li yookeb' chi sachk:

1 Corintios 15:14

Ut wi li Kriist ink'a' raj kiwakliik chi yo'yo, maak'a' raj xyaalal li naqapuktesi resil, maak'a' aj raj wi' xyaalal leepaab'aal.

1 Corintios 1:21

Li ruuchich'och' rik'in li xna'leb' ink'a' kixnaw ru li Yos sa' li xnimal ru xna'leb'; jo'kan naq li Yos kiraj xkolb'aleb' laj paab'anel rik'in li memil na'leb' naqapuktesi laa'o.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

Hechos 8:13

A' ajwi' laj Simón ki'ok chi paab'ank ut kikub'siik xha'; junelik narochb'eeni laj Felipe, sachso xch'ool chi rilb'al li xninqal ru eetalil ut li sachb'ach'oolej naxb'aanu.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

Proverbios 23:23

Sik' li yaal, ut maak'ayi; tamresi li chaab'il na'leb', li tzolok ut li seeb'al k'a'uxl.

1 Corintios 11:2

Ninnima eeru xb'aan naq ninjultiko'k eere chi junelik ut nekek'uula sa' eech'ool leetzolb'al jo' naq xink'ut cheru.